បុរសម្នាក់បើករថយន្តស៊េរីទំនើប ព្រលះរ៉ឺម៉កកង់បី និងម៉ូតូ២គ្រឿងបណ្ដាលឲ្យមានអ្នករបួសធ្ងន់ម្នាក់ នៅខណ្ឌសែនសុខ

//s4.kh1.co/9f/9f79977bb3208be17f83921bf0173df8ce9a01e6.jpg
សង្គម

 ១៨-សីហា-២០១៩ ១ល្ងាច · ៥ ឆ្នាំមុន

(ភ្នំពេញ)៖ បុរសម្នាក់បើករថយន្តស៊េរីទំនើបលឿន ជ្រុលបុករះរ៉ឺម៉កកង់បីឥណ្ឌា និងម៉ូតូ២គ្រឿង បណ្ដាលឲ្យមានអ្នករបួសធ្ងន់ម្នាក់ នៅខណ្ឌសែនសុខ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍នេះ បានកើតឡើងនៅវេលាម៉ោងជាង១២យប់ ឈានចូលថ្ងៃទី១៨ ខែសីហា ឆ្នាំ២០១៩ នៅតាមបណ្ដោយវិថីសម្ដេចជាស៊ីម មុខផ្សារបឹងបៃតង ស្ថិតក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។

ប្រភពព័ត៌មានពីអ្នកបើករ៉ឺម៉កកង់បីបានប្រាប់ឲ្យដឹងថា នៅមុនពេលកើតហេតុគាត់បានឈប់រ៉ឺម៉កកង់បី ពណ៌លឿងលាយខៀវ ពាក់ស្លាកលេខ ព្រៃវែង 1N-7195 និងដាក់ភ្លើងសុំផ្លូវរួចក៏អង្គុយញាំអាហារ ស្រាប់មានរថយន្តស៊េរីទំនើបមួយគ្រឿងម៉ាក Audi A7 ពណ៌ខ្មៅ ពាក់ស្លាកលេខ ភ្នំពេញ 2BC-0304 បើកបរដោយបុរសម្នាក់ ក្នុងទិសដៅពីកើតទៅលិច ក៏ជ្រុលទៅបុករ៉ឺម៉កកង់បីចំពេញមួយទំហឹង រួចក៏បន្តទៅបុករះម៉ូតូ២គ្រឿងម៉ាក HONDA DREAM ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1FM-7043 និងម៉ូតូធំមួយគ្រឿងទៀតម៉ាក HONDA CB400 ពណ៌ខ្មៅពាក់ស្លាកលេខភ្នំពេញ1GR-4246 បណ្ដាលឲ្យមានអ្នករបួសធ្ងន់ម្នាក់ តែត្រូវបានរថយន្តសង្រ្គោះបន្ទាន់ ដឹកយកទៅសង្រ្គោះភ្លាមៗ នៅឯមន្ទីរពេទ្យផងដែរ។

ចំណែកឯអ្នកបើកបររថយន្តស៊េរីទំនើបវិញ បានរត់គេចខ្លួនដោយមានរថយន្តមួយគ្រឿងទៀត រំដោះចេញទៅបាត់ស្រមោលតែម្ដង។

ក្រោយពេលកើតហេតុសមត្ថកិច្ចមូលដ្ឋាន បានចុះមកទីតាំងកើតហេតុរួចធ្វើការទាក់ទង ទៅសមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងស្ទូចយករថយន្តរួមទាំងរ៉ឺម៉កកង់បី និងម៉ូតូទាំង២ ទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយតាមផ្លូវច្បាប់ នៅពេលក្រោយផងដែរ៕

https://s4.kh1.co/__image/w=650,h=488,q=100/f8/f8aa8d4b81e02ee3ff2e496af10ba9903e5f8b46.jpg
https://s6.kh1.co/__image/w=650,h=488,q=100/bb/bb1600b0d1e057d398adf83c83f169fec6091dcf.jpg
https://s6.kh1.co/__image/w=650,h=488,q=100/22/224963c166854bd98a99f8bf69f93c6ff1974c44.jpg
https://s4.kh1.co/__image/w=650,h=488,q=100/9a/9ac34422735bac231110d5c4925c5def6ad8ca6c.jpg

ប្រភព៖ Freshnews

Keo Nika
KK

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ៩ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ១០ ម៉ោងមុន
រក្សាសិទ្ធិ Mediaload
Powered by Bong I.T Bong I.T