អាមេរិក៖ អ្នកលេងបណ្តាញសង្គមInstagram ជាច្រើនកំពុងតែសង្ស័ថាKylie កំពុងពពោះកូនទី២របស់នាង បន្ទាប់ពីការបង្ហោះរូប មួយសន្លឹកដែលធ្វើឲ្យអ្នកគាំទ្ររបស់នាង គិតថានាងកំពុងប្រកាស ពីដំណឹងនៃការពពោះនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សKylie បានធ្វើការបង្ហោះរូប ក្រចកដែលមានគូរនៅរូបមេអំបៅ កាលពីថ្ងៃទី១៥ ខែសីហាកន្លងទៅនេះ។ ដែលវាបានធ្វើឲ្យអ្នកគាំទ្រជាច្រើន គិតថានេះជាការប្រកាសអំពីដំណឹង មានផ្ទៃពោះកូនទី២របស់នាង។ ជាក់ស្តែង នាងធ្លាប់បានបង្ហោះរូបមេអំបៅស្រដៀងនេះ ដែលកាលពីពេលដែលនាងពពោះកូនទី១ របស់នាងដែលមានឈ្មោះថាStormi នោះ។
យ៉ាងណាម៉ិញ មានមតិមួយចំនួនបានលើកឡើងថា នាងមិនមើលទៅសម ជាស្រ្តីកំពុងពពោះនោះទេ។ ដោយយោងតាម រូបថតដែលនាងបានបង្ហោះ ក្នុងឈុតប៊ីគីនី កាលពីសប្តាហ៍មុន នាងបានឈរថតបង្អួតរាង លើកាប៉ាល់តម្លៃ២៥០លានដុល្លារ ដែលមើលទៅនាងមិនដូចជា កំពុងតែពពោះនោះទេ។ មិនត្រឹមតែប៉ុណ្ណោះ នាងថែមទាំងបង្ហោះវីដេអូដែល នាងបានលោតទឹកលេងថែមទៀត។ ក៏ប៉ុន្តែទោះជាយ៉ាងណា ដំណឹងនៃការពពោះនេះនៅ មិនទាន់មានការចេញមុខបកស្រាយពីKylie ថាវាជាការពិតឬយ៉ាងណានៅឡើយទេ ដូច្នេះសូមរង់ចាំ ការបកស្រាយពីនាងបន្ថែមទាំងអស់គ្នា៕