ថៃ៖ ប្រិយមិត្តប្រាកដជាបានជ្រាបហើយថា តារាសម្ដែងស្រី អ្នកនាង Pat Napapa ទើបតែបានជួបអ្នកម្ដាយខ្លួនជាលើកដំបូង ក្រោយខានឃើញមុខគ្នាជាង៣៣ឆ្នាំ ប៉ុន្តែសម្រាប់ការជួបមុខគ្នាលើកនេះដែរ វាក៏ជាឱកាសលាគ្នាចុងក្រោយសម្រាប់នាង និងម្ដាយទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្រៅពីបានស្គាល់ និងឃើញម្ដាយជាលើកដំបូង ហើយក៏ជាលើកចុងក្រោយនេះ អ្វីដែលរឹតតែបានធ្វើឲ្យ តារាស្រីអ្នកនាង Pat Napapa កាន់តែរំភើបចិត្តជាងនេះទៅទៀតនោះ គឺនាងទើបតែដឹងការពិតថាខ្លួន ក៏មានប្អូនប្រុសបង្កើតម្នាក់ ដែលមានវ័យខុសគ្នានឹងរូបនាងតែ១ឆ្នាំតែប៉ុណ្ណោះ។
ជាមួយនឹងដំណឹងមួយនេះដែរ បានធ្វើឲ្យតារាសម្ដែងស្រី អ្នកនាង Pat Napapa មានក្ដីសប្បាយរីករាយជាខ្លាំង ដោយមិនធ្លាប់នឹកគិតទាល់តែសោះថាខ្លួនក៏មានប្អូនដូចគេ ហើយជាពិសេសវាក៏លើកដំបូងក្នុងឆាកជីវិតដែលបានជួបគ្នារវាងរូបនាង និងប្អូនប្រុសរបស់នាងផងដែរ៕