អាមេរិក៖ ដូចដែលអ្នកគាំទ្រ បានដឹងរួចមកហើយថា ទំនាក់ទំនងរវាងMiley Cyrus និងLiam Hemsworth ធ្លាប់មានបញ្ហានឹងគ្នា តាំងតែពីពេលដំបូងមកហើយ គឺថាមុនពេលដែលពួកគេ សម្រេចចិត្តថារៀបការ ជាមួយគ្នានេះទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកកាលពីពេលថ្មីៗ ស្រាប់តែលេចលឺដំណឹងថា ពួកគេគ្រោងនឹងលែងលះគ្នា បន្ទាប់ពីរៀបការជាមួយគ្នា បានត្រឹមតែ៧ខែប៉ុណ្ណោះ។ ក៏ប៉ុន្តែគេសង្កេតឃើញថាMiley Cyrus ហាក់ដូចជាមិនចង់ចុះហត្ថលេខា លើលិខិតលែងលះនោះទេ។ ដោយនាងសង្ឃឹមថា ទំនាក់ទំនងរវាងនាងនិងLiam ពិតជាអាចស្រោចស្រង់ ឡើងវិញបានជាថ្មី។
តាមប្រភពដែលបាន ប្រាប់ដល់ទស្សនាវដ្តីPeople បានឲ្យដឹងថា៖
“ឥឡូវនេះពួកគេបានបែកបាក់គ្នាហើយ ពីព្រោះតែពួកគេ ត្រូវការបែបនេះ។ វាគឺជាស្ថានការដ៏អាក្រក់មួយ ជាមួយនឹងការ មិនយល់ស្របជាច្រើន។ ពួកគេយល់ព្រមធ្វើបែបនេះ ពីព្រោះពួកគេគិតថា វានឹងល្អប្រសើរប្រសិនបើ ពួកគេរស់នៅបែកគ្នា ក៏ប៉ុន្តែនេះ មិនមែនមានន័យថា ទំនាក់ទំនង របស់ពួកគេត្រូវបានបញ្ចប់នោះទេ។”
គួរបញ្ជាក់ផងដែរថា ទំនាក់ទំនងរបស់ពួកគេចាប់ផ្តើមឡើងដំបូង កាលពីឆ្នាំ២០០៩ នៅពេលដែល ពួកគេបានសម្តែងភាពយន្តជាមួយគ្នា ហើយចាប់ពីពេលនោះមក ពួកគេក៍ចាប់ផ្តើមណាត់ជួបគ្នា។ ក្នុងឆ្នាំ២០១២ ពួកគេក៏សម្រេចចិត្តភ្ជាប់ពាក្យ ក៏ប៉ុន្តែត្រូវបានបញ្ចប់ទៅវិញ ក្នុងរយៈពេលត្រឹមតែ១ខែក្រោយ ពីពេលភ្ជាប់ពាក្យនោះប៉ុណ្ណោះ។ បន្ទាប់ពីបែកគ្នាបានមួយរយៈ ក្នុងឆ្នាំ២០១៥ពួកគេក៏បានត្រូវរូវគ្នាវិញ ហើយក្នុងខែធ្នូ ឆ្នាំ២០១៨ ពួកគេបានសម្រេចចិត្ត រៀបចំមង្គលការស្ងាត់ៗ នៅក្នុងរដ្ឋណាសវីល នៃសហរដ្ឋអាមេរិក៕
Bong I.T