កូនប្រុស នៅ សូនីតា កើតមិនទាន់បានប៉ុន្មានផង ត្រូវបានអ្នកម្ដាយតុបតែង ឲ្យមើលទៅដូចតុក្កតា

ភ្នំពេញ៖ បន្ទាប់ពីបាត់មុខពី ចង្កោមសិល្បៈមួយរយៈ តាមពិត នៅ សូនីតា ដែលជាតារាសម្ដែងស្រីដ៏មានប្រជាប្រិយភាព បានសម្ងំពរពោះកូនដំបូងក្នុងផ្ទៃ និងទើបតែសម្រាលបាន កូនប្រុសមួយ មិនទាន់បានមួយខែ ស្រួលបួលផង។

ក្នុងនោះដែរ អ្នកនាង នៅ សូនីតា ទទួលបានការមើលថែ យ៉ាងដិតដល់ពីស្វាមី និងក្រុមគ្រួសារ ថែមទាំងមានសម្រស់ ស្រស់ស្អាតដដែល គ្មានភាពប្រែប្រួលនោះទេ។ បើក្រឡេកទៅមើលកូនប្រុសដំបូងរបស់នាងវិញ  ឈ្មោះថា ទិត្យ សង្ក្រាន្តតាថាណារិទ្ធ ក៏មានមុខមាត់ មិនចាញ់អ្នកម្ដាយប៉ុន្មានទេ។

លើសពីនេះ កូនមានអាយុមិនទាន់ បានមួយខែស្រួលបួលផងតែ នៅ សូនីតា បានតុបតែងខ្លួនបានយ៉ាងទាក់ទាញ ក្នុងឈុតសម្លៀកបំពាក់ចម្រុះពណ៌ អមដោយទម្រង់មុខស្អាតអំណោយផលពីធម្មជាតិស្រាប់ផង  ធ្វើឲ្យប្រិយមិត្តឃើញហើយ សរសើរគ្រប់គ្នាតែម្ដង៕

ចង់ជ្រាបច្បាស់ ទស្សនារូបភាពខាងក្រោម៖