ភ្នំពេញ៖ ក្លឹបបាល់ទាត់កាំភ្លើងធំដ៏ល្បីប្រចាំក្របខណ្ឌ Premier League គឺ Arsenal នឹងធើ្វការចាប់ដៃគូសហការផ្លូវការជាមួយក្រុមហ៊ុនស្រាបៀរដ៏ល្បីមួយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សArsenal គឺជាក្លឹបបាល់ទាត់ដ៏ធំមួយ និងត្រូវបានចាត់ទុកថាជាក្លឹបដ៏មានប្រជាប្រិយភាព និងកេរ្តិ៍ឈ្មោះដ៏ល្បីរន្ទឺ ខណៈមនុស្សរាប់សិបលាននាក់ពាសពេញពិភពលោកបានស្គាល់ និងគាំទ្រក្រុមមួយនេះ ។
ក្លឹបដែលមានមូលដ្ឋានក្នុងទីក្រុងឡុងដ៏ ប្រទេសអង់គ្លេសនេះ បានធើ្វការប្រកួតក្នុងពានរង្វាន់ធំៗ និងបានឈ្នះពានរង្វាន់ជាច្រើន ដោយក្នុងនោះអ្វីដែលគ្មានក្លឹបណាមួយអាចធើ្វបាននៅក្នុងប្រទេសអង់គ្លេស គឺការឈ្នះពានមាស Premier League ពោលគឺមិនដែលស្គាល់ពាក្យថាចាញ់ឡើយក្នុងរដូវកាល ២០០៣-២០០៤។
គួបញ្ជាក់ផងដែរថា ប្រធានតំណាង និងកីឡាករល្បីៗរបស់ ក្លឹបបាល់ទាត់កាំភ្លើងធំ Arsenal ជាច្រើននាក់នឹងធ្វើដំណើរមកកាន់រាជធានីភ្នំពេញ ក្នុងព្រឹត្ដិការណ៍ចុះកិច្ចសហការជាផ្លូវការដ៏ធំនៅដើមខែកញ្ញា ឆ្នាំ២០១៩ ខាងមុខនេះ។
ចំពោះព័ត៌មានច្បាស់ការនឹងបន្តចុះផ្សាយបន្ថែមទៀតនាពេលខាងមុខនេះ ដូច្នេះសូមរង់ចាំតាមដានទស្សនាទាំងអស់គ្នា៕