អង់គ្លេស៖ មានការជជែកវែកញែកគ្នាជាច្រើនអំពីថាតើនរណាជាខ្សែការពារកណ្ដាលល្អបំផុតនៅលើលោក ក្រោយ Man UTD ទិញខ្សែការពារ Harry Maguire ក្នុងតម្លៃខ្លួន ៨៥លានផោនដែលជាតម្លៃខ្លួនបំផុតសម្រាប់ខ្សែការពារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះខ្សែប្រយុទ្ធរបស់ Chelsea កីឡាករ Pedro ក៏ត្រូវបានអ្នកកាសែតសួររវាង Sergio Ramos និង Virgil van Dijk ផងដែរ។ ឆ្លើយប្រាប់ទៅកាន់អ្នកកាសែតអំឡុងពេលសន្និសីទកាសែតមុនការប្រកួត UEFA Super Cup កីឡាករសញ្ជាតិអេស្ប៉ាញ Pedro បាននិយាយយ៉ាងដូច្នេះថា៖
“ពួកគេទាំងពីរជាខ្សែការពារកណ្ដាលល្អដូចគ្នា។ ខ្ញុំគិតថាពេលនេះ ពួកគេគឺជាខ្សែការពារកំពុងស្ថិតនៅក្នុងចំណុចកំពូល។ Sergio Ramos គឺជាខ្សែការពារល្អដែលអាចចែក និងបញ្ជូនបាល់បានល្អ។ Van Dijk ដូចគ្នា គេពិតជាខ្លាំងនៅលើទីលាន។ គេល្អជាមួយនឹងការបញ្ជូនបាល់ និងរកគ្រាប់បាល់ដូចគ្នា។ ពួកគេទាំងពីរសុទ្ធសឹងតែជាកីឡាករល្អ។”
ប្រភព៖ Marca
Bong I.T