រឿងដំបូងបង្អស់ និងចាំបាច់បំផុត ដែលអ្នកម្តាយគ្រប់រូបត្រូវតែធ្វើខានពុំបាន គឺការបំបៅដោះកូន ក្រោយពេលកើតមកភ្លាម ព្រោះទឹកដោះមិនត្រឹមតែអាចបំបាត់ភាពស្រេកឃ្លាននោះទេ វាថែមទាំងជួយឲ្យទារកឆាប់រីកលូតលាស់ និងមានសុខភាពល្អថែមទៀត។ ប៉ុន្តែអំឡុងពេលបំបៅដោះកូននេះ អ្នកម្តាយថ្មោងថ្មីអាចប្រឈមមុននឹងបញ្ហាមួយចំនួនគេចមិនផុតឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះ គឺជាបញ្ហាមួយចំនួន ដែលស្ត្រីត្រូវជួបប្រទះអំឡុងពេលបំបៅដោះកូន៖
– សុដន់រីកមាឌធំជាងមុន៖ មិនថាដំណាក់កាលមានផ្ទៃពោះ ឬក្រោយពេលសម្រាលនោះទេ អ័រម៉ូនរបស់មនុស្សស្រីនៅតែមានការប្រែប្រួល ដែលធ្វើឲ្យសុដន់រីកមាឌជាងមុន ដើម្បីបង្កើនការផលិតទឹកដោះសម្រាប់បំពេញតម្រូវការរបស់ទារក។ ក្រៅពីនេះប្រសិនបើអ្នកម្តាយមិនអាចបំបៅដោះកូនឲ្យបានញឹកញប់ ទឹកដោះនឹងកើនឡើងកាន់តែច្រើន ដែលធ្វើឲ្យហើម និងឈឺចាប់។
– ចុងសុដន់រាបស្មើ នឹងប្រែជាលៀនមកក្រៅ៖ ស្ត្រីមួយចំនួនអាចមានចុងសុដន់រាបស្មើ ក៏ប៉ុន្តែនៅពេលបំបៅដោះកូន វានឹងលៀនចេញមកវិញ។ ការបំបៅដោះកូនអាចមានផលលំបាក ប្រសិនបើក្បាលសុដន់រាបស្មើ ឬលឹបចូលក្នុង ដូច្នេះប្រសិនបើអ្នកមានស្ថានភាពបែបនេះ គួរតែប្រញាប់រកជំនួយពីគ្រូពេទ្យភ្លាម។
– បំពងផលិតទឹកដោះអាចរាំងស្ទះ៖ បញ្ហាមួយទៀត ដែលអ្នកម្តាយទើបនឹងសម្រាលកូនដំបូងត្រូវជួបប្រទះ គឺស្ទះបំពង់ផលិតទឹកដោះ ដោយសារតែទឹកដោះខាស់។ នៅពេលដែលបញ្ហានេះកើតឡើង ទឹកដោះមិនអាចបង្ហូរចេញតាមរយៈក្បាលសុដន់បានឡើយ ហើយវានឹងត្រូវប្រមូលផ្តុំកាន់តែច្រើនឡើង។ នេះជាមូលហេតុដែលនាំឲ្យមានការឈឺចាប់ក្នុងសុដន់ ចំណែកឯទារកក៏មិនអាចបៅដោះបានដែរ៕
អត្ថបទផ្ដល់សិទ្ធិដោយ Royalausnzcambodia
Bong I.T