ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កម្មករម្នាក់បានស្លាប់នៅនឹងកន្លែង ក្រោយដាច់ខ្សែកាបយោងម៉ូទ័រលើអគារសាងសង់ថ្មីមួយកន្លែងធ្លាក់សង្កត់ពីលើ កាលពីព្រឹកថ្ងៃទី១៣ សីហា នេះ ស្ថិតត្រង់ចំណុចការដ្ឋានសាងសង់អាគារថ្មី (ពុំមានយីហោ)ជិតផ្លូវពីគមនាគមន៍ចាស់ ទៅបុរីគុជអាសុី ក្នុងក្រុម១៣ ភូមិ១ សង្កាត់៣ ក្រុងព្រះសីហនុ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីរាយការណ៍បន្តថា ជនរងគ្រោះខាងលើ ឈ្មោះ យា ឡាត់ ភេទប្រុស អាយុ៣៧ឆ្នាំ មានស្រុកកំណើតភូូមិប្រឹក្សា ឃុំកំចាយមារ ស្រុកកំចាយមារ ខេត្តព្រៃវែង ។ បច្ចុប្បន្ន សាកសពត្រូវបានបញ្ជូនយកទៅរក្សាទុកនៅមន្ទីរពេទ្យបង្អែកខេត្ត រង់ចាំការធ្វើកោសល្យវិច្ច័យ មុនប្រគល់ទៅក្រុមគ្រួសារ។
កត់សម្គាល់ថា គ្រោះថ្នាក់ទាំងឡាយតែងកើតឡើង នៅពេលដែលយើងមានការប្រហែសខ្លាំងពេកក្នុងពេលបំពេញការងារ ពិសេសសម្រាប់ការដ្ឋានសំណង់អគារទាំងឡាយ គួរម្ចាស់ការដ្ឋានត្រូវបង្កើនការការពារទៅលើសុវត្ថិភាពឱ្យបានខ្ពស់បំផុត ចៀសវាងគ្រោះថ្នាក់ណាមួយដែលអាចកើតឡើងជាយថាហេតុ៕
ប្រភព៖ កោះសន្តិភាព