ភ្នំពេញ៖ តើ STEM ជាអ្វី? ហេតុអ្វីបានជាប្រទេសធំៗដែលមានបច្ចេកវិទ្យាខ្ពស់ដូចជា អាមេរិក ចិន អាឡឺម៉ង់ កូរ៉េ ឥណ្ឌា កំពុងតែផ្ដោតខ្លាំងក្នុងការបណ្តុះបណ្ដាលសមត្ថភាពជំនាញ STEM ទៅដល់ក្មេងៗ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSTEM ជាប្រព័ន្ធអប់រំ ដែលផ្តោតលើការសិក្សាផ្នែកវិទ្យាសាស្រ្ត (Science) បច្ចេកវិទ្យា (Technology) វិស្វកម្ម (Engineering) និងគណិតវិទ្យា (Mathematics) ដែលជាកត្តាជម្រុញយ៉ាងសំខាន់ក្នុងការស្រាវជ្រាវ និងអនុវត្តទូទៅ។
ដោយសារផ្នែកទាំងបួននៃ STEM ត្រូវបានប្រើក្នុងសកម្មភាពប្រចាំថ្ងៃ វាអាចជួយបង្កើនសមត្ថភាពក្នុងការគិតល្អិតល្អន់ និងការដោះស្រាយបញ្ហាដោយគំនិតច្នៃប្រឌិត។ នាពេលប៉ុន្មានឆ្នាំខាងមុខនេះ អ្នកមានជំនាញ STEM នឹងអាចមានឱកាសខ្ពស់ទទួលបានជោគជ័យក្នុងការងារ និងអាជីវកម្ម ដែលជាតម្រូវការនៃសង្គម និងសេដ្ឋកិច្ច។
ដូច្នេះការណែនាំអំពីកម្មវិធី STEM ដល់កូនៗពីក្មេងៗនឹងជួយឱ្យពួកគេរីកចម្រើន មានការយល់ដឹងបន្ថែមពីជីវភាពប្រចាំថ្ងៃ និងអាចត្រៀមខ្លួនរួចរាល់ក្នុងការប្រឈមមុខដោះស្រាយបញ្ហាផ្សេងៗដោយភាពវៃឆ្លាត៕