ការស្រាវជ្រាវមួយរបស់ចក្រភពអង់គ្លេសបានរកឃើញថា ការញ៉ាំសូកូឡាខ្មៅ អាចកាត់បន្ថយនូវភាពធ្លាក់ទឹកចិត្តបាន។ ការអះអាងបែបនេះ បន្ទាប់ពីការស្រាវជ្រាវរបស់ College London របស់ចក្រភពអង់គ្លេសបានសិក្សាទៅលើសកម្មភាពប្រចាំថ្ងៃមួយចំនួន ដែលបង្កឲ្យមានដំណើរធ្លាក់ទឹកចិត្ត។ តាមរយៈការសិក្សាតាមដានជាទម្រង់សំនួរទៅលើមនុស្សជាង១ម៉ឺននាក់ ពួកគេបែរជារកឃើញលើពីការរំពឹងទុកឃើញថា អ្នកដែលមានដំណើរធ្លាក់ទឹកចិត្តទៅញ៉ាំសូកូឡាខ្មៅ ទៅជាបានកាត់បន្ថយកម្រិតហានិភ័យដំណើរធ្លាក់ទឹកចិត្តដល់ទៅ ៧០%។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអ្នកស្រាវជ្រាវដឹកនាំដោយសាស្រ្តាចារ្យ Sarah Jackson បានរកឃើញថា នៅក្នុងសូកូឡាខ្មៅមានសមាសធាតុប្រឆាំងអុកស៊ីតកម្ម ដែលកាត់បន្ថយដំណើររលាក និងប្រតិកម្មក្នុងរាងកាយ ធ្វើឲ្យរាងកាយទទួលបានកម្រិតធ្លាក់ទឹកចិត្តតិចតួច។ តែយ៉ាងណាមិញ ក្រុមអ្នកស្រាវជ្រាវនៅតែអះអាងថា ការសិក្សាលម្អិតជាងនេះនឹងត្រូវធ្វើឡើងដើម្បីបញ្ជាក់។
កន្លងមកក៏ធ្លាប់មានការសិក្សាស្រដៀងៗគ្នានេះផងដែរ ធ្វើឡើងនៅប្រទេសអង់គ្លេស ដែលក្នុងនោះគេរកឃើញ ប្រភេទសូកូឡាដូចគ្នា ដូចជាសូកូឡាស ឬសូកូឡាទឹកដោះគោមិនអាចមានលទ្ធភាពជួយមនុស្ស ដូចប្រយោជន៍របស់សូកូឡាខ្មៅនោះឡើយ៕
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet