ភ្នំពេញ៖ រាសីរបស់តារាសម្តែងស្រី ដួង ម៉ានិច កំពុងតែឡើងស្រឺតៗ ដែលការងារសម្តែង ថតស្ពត និងថតសម្អាងការរបស់នាង ពេញជារៀងរាល់ថ្ងៃ រកចូលសម្រាកសឹងមិនមាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការដែលនាងសម្បូរការងារ ក៏ព្រោះតែសមត្ថភាព រូបសម្រស់ និងភាពល្បីល្បាញនាពេលបច្ចុប្បន្ន ដូច្នេះការងារក៏ត្រូវមកតាមហ្នឹងផងដែរ ព្រោះគេតែងត្រូវការតារាណា ដែលត្រូវគេចាប់អារម្មណ៍ខ្លាំង។
ចុះអ្នកដែលសង្កេតទេថាតើហេតុអ្វី បានជាដួង ម៉ានិច សម្បូរអ្នកតាមដាននិង យកឈ្មោះនាងមកនិយាយរាល់ថ្ងៃ មិនថានៅក្រៅ ឬក្នុងហ្វេសប៊ុក?
តោះមកតាមដានជាមួយនឹង ខ្មែរឡូតទាំងអស់គ្នា៖
១) ស្ទាយ៍ដើររបស់នាង៖ តារារូបនេះ តែងតែមានលក្ខណៈខុសគេមួយ ត្រង់ថា រាល់នាងស្លៀកឈុតទៅណាម្តងៗ នាងតែងតែដើរម៉ូត នៅទីនោះ មិនថានៅក្នុងផ្សារ ឬនៅកន្លែងណានោះទេ។ ហើយចំនុចនេះ បានធ្វើឲ្យមនុស្សគ្រប់គ្នា តែងតែហួសចិត្ត និងអស់សំណើច ទៅលើរូបនាង រហូតមានអ្នកវីដេអូរបស់នាង មកTroll បែបកំប្លែងៗទៀតផង។ ជាពិសេស នាងក៏ចូលចិត្តបង្ហោះរាំលេងកម្សាន្តរបស់នាង ឲ្យហ្វេនបានឃើញ ដោយមិនខ្វល់ថា ត្រូវគេរិះគន់ ឬយ៉ាងណា។
២) ចរិតរបស់នាង៖ បើទោះបីជា សម្បូរអ្នករិះគន់ អ្នកសើចចំអកតែរូបនាង មិនដែលប្រតិកម្ម ឬជេតបទៅកាន់អ្នកគាំទ្រនោះទេ តាំងពីនាងចូលសិល្បៈមកម្ល៉េះ។ ដូច្នេះហើយ បានធ្វើឲ្យ ហ្វេន មិនសូវខ្លាចរអាចិត្តរបស់នាងកាន់តែលេចសើច និង និយាយពីនាង កាន់តែច្រើន រហូតស្ទើរតែអាចនិយាយបានថា មិនថាក្មេង ចាស់ តែងតែស្គាល់នាង។
៣) ព័ត៌មានស្នេហាខុសវ័យ៖ មិនដឹងថា នៅពេលនេះ តើចំណងស្នេហារបស់នាង ជាមួយនឹងតារាចម្រៀងប្រុសវ័យក្មេង បុត្រ តើជាការពិត ឬយា៉ងណា។ ជាពិសេស បើរឿងនេះការពិតមែន ក៏មានមនុស្សជាច្រើន ចាំអបអរនាងផងដែរ។ ប៉ុន្តែទន្ទឹមនឹងនេះ ក៏មានមនុស្សមួយចំនួនទៀត យករឿងរបស់នាង មកពិភាក្សា វែកញែកសឹងរាល់ថ្ងៃ ដោយគិតថានាងមានវ័យចាស់ មិនសមស្រលាញ់មនុស្សប្រុសក្មេងជាងនាងនោះទេ។
ចំនុចទាំងនេះហើយ បានធ្វើឲ្យដួង ម៉ានិច កាន់តែល្បីខ្លាំងនៅក្នុង បណ្តាញសង្គមហ្វេសប៊ុក ខ្លាំងជាងតារាផ្សេងៗ៕
តើប្រិយមិត្តយល់យ៉ាងណាដែរ?
Bong I.T