ចិន៖ នៅក្នុងសន្និសីទបច្ចេកវិទ្យា Future Conference ដែលធ្វើឡើងក្នុងទីក្រុងប៉េកាំង កាលពីពេលថ្មីៗនេះ ក្រុមហ៊ុន Xiaomi បានប្រកាសជាផ្លូវការថា ខ្លួននឹងប្រើប្រាស់សេនស័រថ្មី ISOCELL GW1 របស់ Samsung សម្រាប់ទូរស័ព្ទត្រកូល Redmi ជំនាន់ក្រោយខ្លួន។

ប៉ុន្តែអ្វីដែលពិសេសលើសពីពិសេស ដែលមនុស្សម្នាមានការភ្ញាក់ផ្អើលខ្លាំងនោះគឺថា Xiaomi បាននិយាយទៀតថា ខ្លួននឹងប្រើប្រាស់សេនស័រថ្មី ISOCELL GW1 របស់ Samsung បំពាក់ចូលក្នុងកំពូលទូរស័ព្ទជំនាន់ថ្មីខ្លួនមួយទៀត ដែលមានកម្រិតភីកសែលដល់ទៅ ១២,០៣២ x ៩,០២៤ភីកសែលលើអេក្រង់ ហើយចំណែកកាមេរ៉ាវិញដល់ទៅ ១០៨ មេហ្គាភីកសែលឯនោះ។

សម្រាប់ពេលបច្ចុប្បន្ននេះ យើងពុំទាន់ដឹងប្រាកដប្រជាថា តើកំពូលទូរស័ព្ទ Xiaomi មួយណា ដែលនឹងប្រើប្រាស់ Resolution ដ៏ខ្ពស់បែបនេះនោះទេ ប៉ុន្តែយោងតាមប្រភពច្បាស់ការណ៍មួយបានឱ្យដឹងថា ទូរស័ព្ទកំពូលកប់នោះគឺ Mi Mix 4 ៕

ចង់ជ្រាបច្បាស់ទស្សនាវីដេអូខាងក្រោម៖

រូបតំណាង
Spec កំពូលទូរស័ព្ទជំនាន់ថ្មីរបស់ Xiaomi

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]