ជប៉ុន៖ ហ្វេនជាច្រើននាក់សុទ្ធសឹងតែមានការភ្ញាក់ផ្អើលជាខ្លាំង ក្រោយតារាស្រី Cosplay អ្នកនាង SaLa បានបង្ហោះរូបថតទាក់ទិនទៅនឹងរឿងដ៏កំសត់របស់នាង កាលពីរៀននៅវិទ្យាល័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភពបានឱ្យដឹងថា ថ្មីៗនេះ អ្នកនាង SaLa ជាតារាស្រី Cosplay ដ៏ល្បីម្នាក់ប្រចាំប្រទេសជប៉ុន បានបង្ហោះរូបថតកាលពីពេលនាងរៀននៅវិទ្យាល័យ ដោយរៀបរាប់ថា៖
«ខ្ញុំកើតនៅក្នុងក្រុមគ្រួសារធ្វើកសិកម្មក្នុងតំបន់ Saga ហើយមនុស្សម្នាតែងតែមើលងាយ ធ្វើបាប បង្អាប់ខ្ញុំថា ខ្ញុំមានមុខមាត់អាក្រក់ កាលពីពេលខ្ញុំរៀននៅវិទ្យាល័យ។ កាលពីមុន ខ្ញុំយំជាញឹកញាប់ ប៉ុន្តែខ្ញុំខំប្រឹងរៀនសូត្រផ្នែកតុបតែងមុខ និងតបអាហារ ហើយបច្ចុប្បន្នខ្ញុំរស់នៅក្នុងទីក្រុងតូក្យូ។ ឥឡូវនេះខ្ញុំអាចរីករាយនូវអ្វីដែលខ្ញុំមាន ធ្វើអ្វីដែលខ្ញុំចូលចិត្ត និងសើចសប្បាយនៅចំពោះមុខមនុស្សម្នាជាច្រើន» ។
យ៉ាងណាមិញ រឿងរ៉ាវរបស់អ្នកនាង បាននឹងកំពុងតែល្បីពេញបណ្តាញសង្គម Twitter ហើយមនុស្សម្នាក៏បានលើកទឹកចិត្តប្រាប់នាងថា កាលពីមុននាងក៏ស្រស់ស្អាតដែរ ហើយពួកគេក៏ចូលរួមត្រេកអរ និងសប្បាយចិត្ត នៅពេលនាងមានជំនឿចិត្តលើខ្លួនឯងនៅពេលនេះ៕
ចង់ជ្រាបច្បាស់ទស្សនារូបភាពខាងក្រោម៖
Bong I.T