ពីក្មេងស្រីដែលត្រូវគេ មើលងាយថាមិនស្អាត! ពេលនេះ លាង ចាន់ឡា ប្រែសម្រស់កាន់តែប្លែក

ភ្នំពេញ៖ ប្រិយមិត្តជាច្រើនប្រាកដជាបានដឹងថា បេក្ខភាពX Factor លាង ចាន់ឡា មួយរយៈពេលនេះបានផ្ទុះនូវរឿងជាច្រើនជាប់ៗគ្នាក្រោយឃើញសកម្មភាពរើសអើង ក៏ដូចជាមានសប្បុរសជនជាច្រើនបានធ្វើការជួយ និងកែសម្ផស្សជូននាងយ៉ាងស្អាតប្លែកភ្នែក។

ខណៈពេលដែលក្រោយកែមុខមាត់ថ្មីរួច ឃើញថាពេលនេះនាងក៏បានធ្វើការតុបតែមុខ យ៉ាងស្រស់ស្អាតខ្លាំង មើលសឹងមិនចង់ស្គាល់ និងខុសប្លែកពីមុនសឹងតែ១៨០ដឺក្រេ ធ្វើឲ្យអ្នកគាំទ្រជាច្រើនភ្ញាក់ផ្អើលជាមួយនឹងសម្រស់របស់នាងយ៉ាងខ្លាំង។

ទន្ទឹមនឹងការតែងខ្លួនយ៉ាងស្រស់ស្អាត បូករួមនឹងការកែសម្ផស្សមុខមាត់ថ្មីនេះ បានធ្វើឲ្យ ចាន់ឡា ដែលជាក្មេងស្រីម្នាក់ដែលគេធ្លាប់មើលងាយ និយាយថាមិនស្អាត ស្បែកខ្មៅ ពិតជារីករាយនិងរំភើបនៅក្នុងចិត្តយ៉ាងខ្លាំង។

លើសពីនេះទៅទៀត អ្នកលេងបណ្តាញសង្គមក៏បានអបអរដល់នាង ដែលបានក្លាយទៅជាមនុស្សថ្មីដែលស្អាតបែបនេះ ក្រោមការជួយពីសប្បុរសជនដោយមិនបាច់អស់ប្រាក់សូម្បីតែ១រៀលយ៉ាងដូច្នោះ៕

សូមទស្សនារូបភាពខាងក្រោមនេះ៖