កម្ពុជាបើកសាលាបង្រៀនឆុងកាហ្វេដំបូងគេស្របតាមតម្រូវការទីផ្សារការងារ

 “វិស័យកាហ្វេគឺជាវិស័យមួយ ដែលបានរួមចំណែកក្នុងវិស័យទេសចរណ៍ ទៅលើការបម្រើសេវាកម្មភេសជ្ជៈជូនភ្ញៀវក្នុងនិងក្រៅស្រុក ព្រោះថា សឹងតែគ្រប់ប្រទេសគឺតែងតែមានអ្នកទទួលទានកាហ្វេជាប្រចាំ ដូច្នេះ កាហ្វេនេះក៏ជាភេសជ្ជៈដ៏សំខាន់មួយផងដែរ សម្រាប់ទេសចរណ៍ ដែលអាចអោយពួកគាត់ញុំាបណ្ដើរជជែកគ្នាបណ្ដើរ”។

“តាមពិតទៅ កម្ពុជានៅខ្វះធនធានជំនាញខាងឆុងកាហ្វេនេះច្រើន ដោយសារតែយើងមិនមានសាលាបណ្ដុះបណ្ដលត្រឹមត្រូវ និងមានស្តង់ដារ ហើយភាគច្រើនគឺចេះតៗគ្នា ដូច្នេះហើយយើងចង់អោយមានជំនាញច្បាស់លាស់ មានការទទួលស្គាល់ជាស្តង់ដារមួយ”។

“ការបង្កើតវិទ្យាស្ថាននេះឡើង ដើម្បីពង្រឹងនិងអភិវឌ្ឍន៍ជំនាញឆុងកាហ្វេ ចាប់ពីដំណើរការដាំដុះរហូតដល់ក្លាយជាកាហ្វេឈ្ងុយឆ្ងាញ់សម្រាប់ផ្ដល់ជូនអតិថិជនក៏ដូចជាភ្ញៀវទេសចរ”។

 “ស្របពេលវិស័យកាហ្វេ វិស័យចំណីអាហារ ភេសជ្ជៈមានការរីកចម្រើននិងពេញនិយមក្នុងតំបន់ ក៏ដូចជាក្នុងប្រទេសកម្ពុជាយើង ការបណ្ដុះបណ្ដាលលើជំនាញឆុងកាហ្វេ ពិតជាមានសារសំខាន់ ដែលមិនអាចខ្វះបាន ដូច្នេះវិទ្យាស្ថានខូហ្វី នឹងចូលរួមចែករំលែកកសាងសមត្ថភាពអ្នកជំនាញវិជ្ជាជីវៈឆុងកាហ្វេ ដើម្បីឱ្យពួកគាត់មានជំនាញមួយច្បាស់លាស់ សម្រាប់បម្រើការងារ ក៏ដូចជាផ្ដល់គុណភាពនិងរសជាតិកាន់តែប្រសើររាល់កាហ្វេគ្រប់ៗកែវ ។ ក្រុមហ៊ុនខូហ្វី និងវិទ្យាស្ថានខូហ្វីក៏ចូលរួមផងដែរ ក្នុងការជំរុញបន្ថែមជាមួយដៃគូឯកជន និងរដ្ឋទៅលើវិស័យកាហ្វេទាំងមូល ដើម្បីបង្កើតភាពទាក់ទាញកាន់តែខ្លាំងឡើងទាំងភ្ញៀវទេសចរជាតិនិងអន្តរជាតិឱ្យចូលមកប្រទេសកម្ពុជាកាន់តែច្រើន”៕