ម៉ាឡេស៊ី៖ ទុរេនជាផ្លែឈើដ៏ពេញនិយមបំផុតប្រចាំតំបន់អាស៊ី មិនថានៅស្រុកខ្មែរ ថៃ ចិន សិង្ហបុរី ឬម៉ាឡេស៊ីនោះទេ ប្រជាជនតែងតែចូលចិត្តហូបជាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សព្រោះតែតម្រូវការច្រើន ក៏មានអាជីវករជាច្រើននាក់ បាននិងកំពុងតែចំណេញប្រាក់ពីការលក់ផ្លែទុរេនកប់ក្តោងផងដែរ។
ជាក់ស្តែង មានអាជីវករម្នាក់ដែលអាចរកប្រាក់ចំណូលបានជាង ១លានដុល្លារក្នុងមួយខែពីការលក់ផ្លែទុរេន កំពុងតែល្បីពេញអ៊ីនធើណេត។
យោងតាមប្រភពបានឱ្យដឹងថា លោក Chin Ken Soon ក្នុងមួយខែអាចរកចំណូលបានជាង ១,៩១លានដុល្លារ ដោយគ្រាន់តែលក់ផ្លែឈើជាច្រើន រួមមាន ផ្លែទុរេន ផ្លែស្ពឺ ឪឡឹក ផ្លែល្ហុង ទៅកាន់បណ្តាប្រទេសជាច្រើនលើលោក។
ដោយក្នុងនោះ ផ្លែឈើទាំងអស់សុទ្ធសឹងតែប្រមូលផលពីចម្ការផ្លែឈើ ១៩៧,៧ហិចតារបស់លោកក្នុងរដ្ឋ Pahang ប្រទេសម៉ាឡេស៊ី។
តាមប្រភពបានឱ្យដឹងថា លោក Chin តែងតែនាំចេញផ្លែឈើជាង ១០០តោន ទៅកាន់បណ្តាប្រទេសជាច្រើន រួមមាន ប្រទេសចិន អារ៉ាប់ប៊ីសាអូឌីត និងបណ្តាប្រទេសអឺរ៉ុបជាដើម។
រាល់ផ្លែឈើទាំងអស់របស់លោក មានតែផ្លែទុរេនមួយគត់ដែលលោកអាចរកប្រាក់ចំណេញបានច្រើនជាងគេ ក្នុងនោះលោកអាចរកបានជាង ៩៥០,០០០ដុល្លារក្នុងមួយខែ ពីការលក់ផ្លែទុរេន។
ក្រៅពីអាជីពនាំចេញផ្លែឈើលក់ទៅក្រៅប្រទេស លោក Chin ក៏មានគម្រោងបើក Mall លក់ផ្លែឈើ ១០ កន្លែងក្នុងប្រទេសម៉ាឡេស៊ីផងដែរ តួយ៉ាងកាលពីខែមុន លោកបានបើក Mall លក់ផ្លែឈើមួយរួចទៅហើយនៅរដ្ឋ Negeri Sembilan។
រឿងរ៉ាវរបស់លោកបាននិងកំពុងតែធ្វើឱ្យមនុស្សម្នាមានការស្ងើចសរសើរជាខ្លាំង ហើយក៏មានមនុស្សមួយចំនួន ក៏បែកគំនិតរកស៊ីលក់ផ្លែទុរេនផងដែរ។
គួររម្លឹកផងដែរថា កាលពីខែមិថុនាកន្លងទៅនេះ នៅក្នុងប្រទេសថៃ មានការដេញថ្លៃលក់ស្តេចផ្លែទុរេនមួយ ដោយក្នុងនោះគ្រាន់តែផ្លែទុរេនមួយប៉ុណ្ណោះ លក់បានជាង ៤៨,០០០ដុល្លារ៕
តើប្រិយមិត្តយល់យ៉ាងណាដែរ?