វៀតណាម៖
ក្រុមហ៊ុនអកាសចរណ៍ Vietjet
បានចុះហត្ថលេខាលើអនុស្សារណៈនៃការយោគយល់គ្នា (MoU) មួយ ជាមួយនឹងកម្មវិធីដំឡើងលើទូរស័ព្ទដ៏អស្ចារ្យឈានមុខគេរបស់អាស៊ីអាគ្នេយ៍
Grab ប្រចាំវៀតណាម និងក្រុមហ៊ុនអាជីវកម្មទើបបង្កើតថ្មី
Swift247 ដើម្បីបង្កើតសេវារួមគ្នាជាច្រើន ដែលនឹងផ្តល់ជូននូវសេវាដឹកជញ្ជូន
និងការចែកចាយប្រកបដោយប្រសិទ្ធភាព តាមរយៈផ្លូវគោក និងផ្លូវអាកាសទូទាំងប្រទេសវៀតណាម និងក្នុងតំបន់ទាំងមូល។
ការចាប់ដៃគូជាយុទ្ធសាស្ត្រមួយនេះ
នឹងអនុញ្ញាតឲ្យក្រុមហ៊ុន Vietjet និង Grab ទាញយកអត្ថប្រយោជន៍នៃបច្ចេកវិជ្ជារបស់ខ្លួន
ដើម្បីផ្តល់ជូនដំណោះស្រាយជាច្រើនដែលមានការចំណាយទាប
សម្រាប់សេវាដឹកជញ្ជូន និងចែកចាយតាមផ្លូវគោគ និងផ្លូវអាកាស។
ជាបឋម Vietjet
និង Grab នឹងផ្តោតទៅលើការស្រាវជ្រាវ
និងអភិវឌ្ឍក្នុងការច្របាច់បញ្ចូលបច្ចេកវិទ្យា និងផ្លាតហ្វមរបស់ក្រុមហ៊ុនទាំង២បញ្ចូលគ្នា
ដើម្បីផ្តល់ជូនអត្ថប្រយោជន៍កាន់តែច្រើនសម្រាប់អតិថិជន
ស្របពេលដែលក្រុមហ៊ុនទាំង២ ក៏មានបំណងប្រើប្រាស់ភាពដៃគូនេះក្នុងនាមជាគំរូមួយសម្រាប់សាជីវកម្មនៅតំបន់អាស៊ីអាគ្នេយ៍ផងដែរ។
ការសហការជាមួយនឹងក្រុមហ៊ុនដឹកជញ្ជូន Swift247
ទាំងក្រុមហ៊ុន Grab និង Vietjet
នឹងអាចភ្ជាប់ការដឹកជញ្ជូនផ្លូវអាកាសជាមួយនឹងការដឹកជញ្ជូនផ្លូវគោក
ដើម្បីផ្តល់ជូនឲ្យអតិថិជននូវសេវាកម្មដ៏រហ័សទាន់ចិត្ត
ខណៈដែលការដឹកជញ្ជូនទំនិញពីទីក្រុងហាណូយ ទៅកាន់ទីក្រុងហូជីមិញ
ចំណាយពេលត្រឹមតែ៥ម៉ោងគត់។
អតិថិជននានានឹងអាចតាមដានដំណើរការនៃការដឹកជញ្ជូនទំនិញរបស់ខ្លួន នៅលើកម្មវិធី Swift247
ក្នុងពេលវេលាជាក់លាក់ ស្របពេលដែលក្រុមហ៊ុន Vietjet និង GrabExpress រួមសហការគ្នាជាកម្លាំង ដើម្បីធ្វើឲ្យដំណើរការដឹកជញ្ជូននោះកាន់តែសាមញ្ញ
និងឆាប់រហ័ស។
នៅថ្ងៃអនាគត ក្រុមហ៊ុនទាំង ៣
នឹងធ្វើការទៅលើការច្របាច់បញ្ចូលគ្នានៃសេវាដឹកជញ្ជូនទំនិញផ្លូវអាកាស
និងផ្លូវគោករបស់ Swift247 ជាមួយនឹងផ្លាតហ្វមរបស់ Grab ដើម្បីធ្វើឲ្យសេវាដឹកជញ្ជូនបានផ្លូវអាកាស និងផ្លូវគោកកាន់តែមានភាពរលូន។
ថ្លែងក្នុងពិធីចុះហត្ថលេខានេះលោកស្រី Nguyen Thi Phuong Thao ប្រធាន និងជានាយកប្រតិបត្តិរបស់ក្រុមហ៊ុនអាកាសចរណ៍ Vietjet បានឲ្យដឹងថា៖
«យើងកំពុងតែធ្វើជាសាក្សីទៅលើការចាប់ដៃគូគ្នាមួយរវាងក្រុមហ៊ុនអាកាសចរណ៍មួយ ដែលស្រូបទាញអ្នកដំណើរក្នុងស្រុកច្រើនជាងគេបំផុតនៅវៀតណាម ជាមួយនឹងកម្មវិធីដំឡើងលើទូរស័ព្ទដ៏អស្ចារ្យ ដែលមានភ្នាក់ងារបើកច្រើនជាងគេបំផុតនៅអាស៊ីអាគ្នេយ៍ និងក្រុមហ៊ុនទើបបង្កើតថ្មីមួយ។ Vietjet ជឿជាក់ថា ភាពជាដៃគូនេះ នឹងបង្កើតឲ្យមានការផ្លាស់ប្តូរថ្មីៗជាច្រើន ក្នុងទីផ្សារដឹកជញ្ជូនជំនិញ និងបង្កើតឲ្យមានបទពិសោធពិសេសតែមួយដល់អតិថិជន និងអាចបំពេញតម្រូវការដែលកំពុងតែកើនឡើងឥតឈប់ឈរទៅលើសេវាដឹកជញ្ជូនជំនិញ។ នេះក៏ជាការបោះជំហានថ្មីមួយនៅលើផ្លូវនេះ ដើម្បីក្លាយជា «ក្រុមហ៊ុនអាកាសចរណ៍សម្រាប់អតិថិជន» មួយនេះ ដែលផ្តល់ជូននូវរាល់សេវាកម្មទាំងអស់ ដែលអតិថិជនរបស់ Vietjet ត្រូវការ»។
លោក Tommy Nguyen អ្នកតំណាងឲ្យក្រុមហ៊ុន Swift247 បានឲ្យដឹងថា៖
«ក្នុងនាមជាអាជីវកម្មទើបបង្កើតថ្មី យើងពិតជារីករាយណាស់ក្នុងការសហការជាមួយនឹងក្រុមហ៊ុនដ៏ធំ២ ក្នុងវិស័យដឹកជញ្ជូន និងអាកាសចរណ៍ដូចជា Grab និង Vietjet។ ស្របពេលដែល Vietjet មានផ្លូវហោះហើរដ៏ទូលំទូលាយទៅកាន់គោលដៅក្នុងស្រុក និងអន្តរជាតិជាច្រើន ហើយ Grab ស្ថិតក្នុងទីតាំងដ៏មានលំនឹង និងមានដៃគូបើកបរជាច្រើន អតិថិនានានឹងអាចទទួលបានបទពិសោធនៃសេវាកម្មដ៏មានអត្ថប្រយោជន៍ និងជឿទុកចិត្តមួយ ដែលគាំទ្រដោយប្រព័ន្ធបច្ចេកវិទ្យា»។
លោក Jerry Lim ប្រធានក្រុមហ៊ុន Grab ប្រចាំវៀតណាម មានប្រសាសន៍ថា៖
«Grab បានកំពុងតែបម្រើសេចក្តីត្រូវការជារៀងរាល់ថ្ងៃដល់ប្រជាពលរដ្ឋវៀតណាម ជាមួយនឹងកម្មវិធីឌីជីថលដ៏អស្ចារ្យមួយ ដើម្បីផ្តល់សេវាប្រចាំថ្ងៃដ៏ទូលំទូលាយ។ នេះជាការបង្ហាញឲ្យឃើញថា Grab បានក្លាយជាដៃគូសហការដ៏រឹងមាំមួយរបស់ពហុសាជីវកម្ម និងសហគ្រាសរបស់វៀតណាម ក៏ដូចជាដៃគូសហការក្នុងស្រុកដ៏គួរឲ្យជឿជាក់ ដោយសារតែទីតាំងឈានមុខគេរបស់ Grab។ យើងជឿជាក់ថា ដៃគូជាយុទ្ធសាស្ត្រមួយនេះ ជាមួយនឹង Vietjet និង Swift247 គឺជាជំហានដំបូងសម្រាប់ Grab ក្នុងការអភិវឌ្ឍកិច្ចសហប្រតិបត្តិការកាន់តែស៊ីជម្រុះជាមួយនឹងក្រុមហ៊ុន Sovico Holdings ដែលជាក្រុមហ៊ុនមួយក្នុងចំណោមក្រុមហ៊ុនពហុសាជីវកម្មឈានមុខគេរបស់វៀតណាម ដើម្បីផ្តល់ជូនសេវាកាន់តែមានគុណភាពខ្ពស់ជាងមុនទៅកាន់ប្រជាពលរដ្ឋទូទាំងប្រទេសនេះ។ កាន់តែពិសេសទៅទៀត ការចាប់ដៃគូជាយុទ្ធសាស្ត្រ ជាមួយនឹង Swift247 និង Vietjet បានបង្ហាញពីការប្តេជ្ញាចិត្តយ៉ាងមុតមាំរបស់យើងក្នុងការវិនិយោគបន្ថែមទៀតទៅលើហេដ្ឋារចនាសម្ព័ន្ធដឹកជញ្ជូនឌីជីថល ដើម្បីជួយឲ្យសហគ្រាសក្នុងស្រុក ពង្រីកខ្លួនក្នុងតំបន់កាន់តែធំ និងអភិវឌ្ឍអាជីវកម្មទើបបង្កើតថ្មីជាច្រើន»៕
សម្រាប់ការសាកសួរព័ត៌មានសូមទាក់ទងទៅកាន់:
Vietjet: [email protected]
Grab: [email protected]
Swift247: [email protected]
Bong I.T