ភ្នំពេញ៖ ធនាគារ ABA ដែលជាសមាជិកសម្ពន្ធធនាគារជាតិកាណាដា និង ក្រុមហ៊ុន មេនូឡាយហ្វ៍ ខេមបូឌា ដែលជាក្រុមហ៊ុនធានារ៉ាប់រងអាយុជីវិតឈានមុខគេមួយ បានធ្វើការប្រកាសជាផ្លូវការ ស្តីពីការបង់បុព្វលាភរ៉ាប់រងតាមទូរស័ព្ទ ដែលកិច្ចសហការនេះនឹងអនុញ្ញាតឲ្យអតិថិជនរបស់ក្រុមហ៊ុន មេនូឡាយហ្វ៍ អាចបង់បុព្វលាភរ៉ាប់រងតាមរយៈកម្មវិធី ABA Mobile បានដោយឥតគិតថ្លៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កិច្ចសហការរវាងស្ថាប័នហិរញ្ញវត្ថុឈានមុខទាំងពីរនេះ ត្រូវបានធ្វើឡើងបន្ថែមលើកិច្ចសហការជាដៃគូចែកចាយផលិត ផលធានារ៉ាប់រងអាយុជីវិត ដែលស្ថាប័នទាំងពីរបានចុះកិច្ចព្រមព្រៀងកាលពីឆ្នាំ២០១៦។ តាមរយៈកម្មវិធី ABA Mobile អតិថិជនអាចធ្វើការទូទាត់ប្រាក់បានយ៉ាងឆាប់រហ័ស ងាយស្រួល និងមានសុវត្ថិភាពគ្រប់ពេលវេលា គ្រប់ទីកន្លែង ដោយគ្រាន់តែអនុវត្តតាមជំហានសាមញ្ញៗដូចខាងក្រោម៖
១. បើកដំណើរការកម្មវិធី ABA Mobile ហើយចុចយកប៊ូតុង «ទូទាត់ប្រាក់»
២. ជ្រើសរើសយកពាក្យ «ធានារ៉ាប់រង»
៣. ជ្រើសរើសយក «មេនូឡាយហ្វ៍ ខេមបូឌា»
៤. ជ្រើសរើស គណនី ABA របស់លោកអ្នក ហើយវាយបញ្ចូលលេខស្នើសុំប័ណ្ណសន្យារ៉ាប់រង ឬលេខប័ណ្ណសន្យា រ៉ាប់រងរបស់លោកអ្នក
៥. ចុចយកពាក្យ«រួចរាល់» ហើយចុចលើប៊ូតុង «បង់ឥឡូវ» រួចបញ្ជាក់ការទូទាត់ដោយបញ្ចូលលេខសម្ងាត់ ABA Mobile របស់លោកអ្នក។
លោក Robert Elliott អគ្គនាយកប្រតិបត្តិ និងនាយកចាត់ការទូទៅនៃក្រុមហ៊ុន មេនូឡាយហ្វ៍ ខេមបូឌា បានមុានប្រសាសន៍ថា៖
« នៅក្រុមហ៊ុន មេនូឡាយហ្វ៍ យើងមានបេសកកម្មដ៏ច្បាស់លាស់មួយក្នុងការជួយឲ្យអតិថិជនរបស់យើងធ្វើការ សម្រេចចិត្តកាន់តែងាយស្រួលនិងជីវិតកាន់តែប្រសើរជាងមុន។ យុទ្ធសាស្ត្រដ៏សំខាន់មួយដើម្បីឲ្យយើងអាចសម្រេចបេសកកម្មនេះបាន គឺការធ្វើជាក្រុមហ៊ុនឈានមុខមួយផ្នែកឌីជីថលនៅក្នុងទីផ្សារ។ ខ្ញុំមានមោទនភាពក្រៃលែងចំពោះ សមិទ្ធផលដែលយើងកំពុងប្រកាសជាផ្លូវការជាមួយធនាគារ ABAដែលកិច្ចសហការនេះនឹងផ្ដល់បទពិសោធក្នុងការទូទាត់ប្រាក់បែបឌីជីថល (ដោយមិនប្រើប្រាស់សាច់ប្រាក់ផ្ទាល់) ដល់អតិថិជនរបស់យើងទូទាំងប្រទេសដែលត្រូវការបង់បុព្វលាភរ៉ាប់រងមកក្រុមហ៊ុន មេនូឡាយហ្វ៍»។
រីឯប្រសាសន៍របស់លោក Askhat Azhikhanov នាយកប្រតិបត្តិរបស់ធនាគារ ABA ៖
«មេនូឡាយហ្វ៍ ខេមបូឌា គឺជាដៃគូយុទ្ធសាស្ត្ររបស់យើង។ ចាប់តាំងពីកិច្ចសហប្រតិបត្តិការដំបូងរបស់យើងនៅក្នុងឆ្នាំ ២០១៦ យើងសម្រេចបាន ការនាំមកនូវដំណោះស្រាយធានារ៉ាប់រងអាយុជីវិតដែលមានគុណភាពជូនអតិថិជនរបស់យើង ជាច្រើននាក់។ ការសម្ពោធដាក់ឲ្យប្រើប្រាស់ នូវសេវាបង់បុព្វលាភរ៉ាប់រងតាមទូរស័ព្ទដល់អតិថិជននេះ នឹងជួយពួកគាត់ ក្នុងការទូទាត់សេវាធានារ៉ាប់រងពីផ្ទះ ឬពីការិយាល័យរបស់ពួកគេតែម្តង បានយ៉ាងងាយស្រួល និងមានផាសុកភាព។ យើងជឿជាក់ថា មុខងារនេះនឹងនាំយកបន្ថែមនូវភាពងាយស្រួល ដល់អតិថិជនរបស់ធនាគារ ABA និងមេនូឡាយហ្វ៍ ហើយនឹងជួយពន្លឿនការវិវឌ្ឍរបស់ប្រទេស ឈានទៅរកសង្គមមួយដែលធ្វើការទូទាត់បែបឌីជីថលដ៏ទំនើបដោយមិន ចាំបាច់ប្រើសាច់ប្រាក់»
សម្រាប់ព័ត៌មានបន្ថែមអំពីសេវាកម្មបង់បុព្វលាភរ៉ាប់រងនេះ លោកអ្នកអាចទាក់ទងមកកាន់ក្រុមហ៊ុន មេនូឡាយហ្វ៍ ខេមបូឌា តាមរយៈលេខទូរស័ព្ទ 1800-211-211 (ឥតគិតថ្លៃ) ឬធនាគារ ABA តាមរយៈលេខទូរស័ព្ទ 023 225 333។
Bong I.T