អង់គ្លេស៖ ក្លិបបាល់ទាត់ Watford ដែលកំពុងលេងនៅក្របខណ្ឌ Premier League បានចុះកិច្ចសន្យានាំយកអតីតខ្សែប្រយុទ្ធរបស់ Arsenal និង Manchester United កីឡាករ Danny Welbeck ក្រោយកីឡាកររូបនេះចាកចេញពីកាំភ្លើងធំ Arsenal បន្ទាប់ពីចប់រដូវកាល ២០១៨-២០១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សWelbeck មិនបានបន្តកិច្ចសន្យាថ្មីជាមួយក្លិបមានមូលដ្ឋាននៅទីក្រុងឡុងដ៍ នេះទេ ក្រោយកិច្ចសន្យារវាងគេនឹងក្លិបបានបញ្ចប់។ រូបគេបានចំណាយរយៈពេល ៥ឆ្នាំជាមួយកាំភ្លើងធំ Arsenal ក្រោយចាកចេញពីបិសាចក្រហម Manchester United កាលពីអំឡុងឆ្នាំ ២០១៤។
គួរបញ្ជាក់ផងដែរថា ដោយសារបញ្ហារបួស Welbeck បង្ហាញខ្លួនឲ្យ Arsenal បានត្រឹម ១៤ប្រកួត និងរកគ្រាប់បាល់បាន ៥គ្រាប់ប៉ុណ្ណោះកាលពីរដូវកាលមុន៕
ប្រភព៖ Fox Sports Asia