បរទេស៖ តារាចម្រៀងស្រីវ័យ២២ឆ្នាំ នាងCamila Cabello ទ្រាំមិនបានឆ្លើយតបភ្លាមៗ ក្រោយមានអ្នករិះគន់ថា រាងរបស់នាងមិនស្អាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយកាលពីថ្ងៃទី០៣ ខែសីហាកន្លងទៅ តារាស្រីកូនកាត់អាមេរិក-គុយបា រូបនេះមានបំណងចង់ចូលទៅក្នុងគណនីអ៊ីនស្តារក្រាម ដើម្បីផុសអបអរសាទរបទចម្រៀង«Havana» របស់នាងគម្រប់២ឆ្នាំ។ ប៉ុន្តែស្របពេលជាមួយគ្នានោះ នាងបានឃើញComment មិនល្អដែលនិយាយពីរូបរាងរបស់នាង។
គ្រាន់តែឃើញភ្លាម Camila បានផុសសំណេរមួយយ៉ាងវែង នៅក្នុងIG Story ផ្ញើទៅកាន់អ្នកដែលរិះគន់នាង ព្រមផ្ញើទៅកាន់មិត្តនារីៗទាំងអស់ ដែលមានន័យសរុបយ៉ាងដូច្នោះថា៖
«សូមកុំឈ្វក់វង្វេងជាមួយរូបរាង ដែលគេបានកែឲ្យមើលទៅឃើញស្អាតពេកអី។ ប៉ុន្តែអ្នកត្រូវតែព្រមទទួលស្គាល់នូវអ្វី ដែលមានពិតប្រាកដនៅលើដងខ្លួនរបស់អ្នក ព្រោះវាជាធម្មជាតិ ហើយត្រូវស្រស់ស្អាតបែបធម្មជាតិដូចគ្នា»។
ជាការពិតណាស់ ទោះបីជានាងជាបុគ្គលសាធារណៈក៏ពិតមែន ប៉ុន្តែពេលខ្លះអ្នកគាំទ្រមិនគួរប្រើពាក្យសម្តីមិនសមរម្យ រិះគន់ខ្លាំងៗទៅលើរូបរាងកាយ មិនថាជានាង តារាដទៃទៀត ឬអ្នកណាម្នាក់នោះទេ។ យ៉ាងហោចណាស់ក៏គួរតែចេះគោរពសិទ្ធិ និងឲ្យតម្លៃទៅលើពួកគេផងដែរ៕
សូមទស្សនារូបភាពខាងក្រោម៖
Bong I.T