ជំងឺបេះដូងពីកំណើត ជាជំងឺដែលកើតមានតាំងពីទារកនៅក្នុងផ្ទៃម្តាយម្លេះ ដោយសារតែបេះដូងទារកវិវត្តខុសប្រក្រតីផ្នែកណាមួយ។ មានមូលហេតុសំខាន់ ៣ ដែលជម្រុញឲ្យទារកមានជំងឺបេះដូងពីកំណើត នេះបើតាមការឲ្យដឹងពីលោកសាស្ត្រាចារ្យវេជ្ជបណ្ឌិត សុខ ជួរ ប្រធានដេប៉ាតឺម៉ង់ជំងឺបេះដូងនៃមន្ទីរពេទ្យកាល់ម៉ែត និងជាប្រធានសមាគមគ្រូពេទ្យបេះដូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីបង្ការកូនកុំឲ្យមានជំងឺបេះដូងពីកំណើត ម៉ាក់ៗចាំបាច់ត្រូវប្រុងប្រយ័ត្នពេលមានផ្ទៃពោះ ដែលខាងក្រោមនេះជាគន្លឹះសំខាន់ៗដែលម៉ាក់ចាំបាច់ត្រូវធ្វើឲ្យបាន។
១- កុំប្រើថ្នាំផ្តេសផ្តាស
ក្រៅពីវេជ្ជបញ្ជា ម៉ាក់ៗមិនត្រូវញ៉ាំថ្នាំអ្វីផ្សេងផ្តេសផ្តាសនោះទេ។ កាលណាញ៉ាំថ្នាំផ្តេសផ្តាសដោយគ្មានវេជ្ជបញ្ជា ទោះជាថ្នាំពេទ្យ ឬថ្នាំបុរាណក្តី អាចប៉ះពាល់ដល់ការវិវត្តគភ៌ក្នុងផ្ទៃ និងធ្វើឲ្យកូនមានជំងឺបេះដូងពីកំណើត។
២- ញ៉ាំអាហារឲ្យបានគ្រប់គ្រាន់
ការញ៉ាំអាហារចម្រុះមុខឲ្យបានគ្រប់គ្រាន់ អំឡុងពពោះ ជារឿងចាំបាច់ ដើម្បីឲ្យកូនក្នុងផ្ទៃលូតលាស់បានល្អ។ កាលណាស្រីៗពពោះខ្វះជីវជាតិ ពិសេសខ្វះជាតិដែក និងអាស៊ីដហ្វូលិច អាចធ្វើឲ្យកូនកើតមកមានជំងឺបេះដូងពីកំណើត។
៣- មានជំងឺត្រូវទៅពេទ្យបន្ទាន់
ទោះជាមានជំងឺអ្វីក៏ដោយ មិនថាគ្រុនក្តៅផ្តាសាយនោះទេ ស្ត្រីមានផ្ទៃពោះចាំបាច់ត្រូវទៅពេទ្យពិនិត្យសុខភាព និងលេបថ្នាំតាមគ្រូពេទ្យណែនាំ ហើយបើម៉ាក់ៗកើតជំងឺឆ្លងមួយចំនួនទៀត ពិសេសជំងឺស្អូចទៀតរឹតតែគ្រោះថ្នាក់ និងប៉ះពាល់ដល់ការលូតលាស់របស់ទារក ត្រូវទៅជួបគ្រូពេទ្យបន្ទាន់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T