ថៃ៖ បើនិយាយពីវិស័យសិល្បៈ ប្រចាំប្រទេសថៃ គឺមានតារាជាច្រើនដួង ដែលសុទ្ធសឹងតែពោរពេញដោយទេពកោសល្យដ៏សម្បូរបែប និងមានរូបសម្បត្តិស្រស់ សង្ហាមិនចាញ់គ្នានោះទេ ជាពិសេស មានតារាលំដាប់ជួរមុខមិនតិចនាក់នោះទេ បានសាងភាពល្បីល្បាញ ទៅក្រៅប្រទេសជាច្រើនថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក៏មានមហាជនជាច្រើន ចង់ជ្រាបយ៉ាងអន្ទះសារ ពីជំហានដំបូងដែលបណ្ដាលឲ្យតារាទាំងនោះ សម្រេចចិត្តឈានចូលប្រឡូកក្នុង វិស័យសិល្បៈ។ ខាងក្រោមនេះ នឹងបង្ហាញពីកត្តាដែលអាចឲ្យតារាលំដាប់កំពូល៣រូប ពេលចូលសិល្បៈដំបូងៗ។
ចង់ជ្រាបថា មានតារាណាខ្លះ តាមដានទស្សនាខាងក្រោម៖
១៖ Aum Patchrapa
ដូចដែលប្រិយមិត្តបានជ្រាប យ៉ាងច្បាស់រួចមកហើយពី Aum ដែលជាតារាសម្ដែងស្រីដ៏មានប្រជាប្រិយភាព និងមានសមត្ថភាពសម្ដែង បានយ៉ាងល្អ។ តាមពិតទៅ ជំហានដំបូងក្នុងសិល្បៈគឺតារារូបនេះ បានចូលរួមប្រកួតប្រជែងក្នុងកម្មវិធី« Miss Hack» តាំងពីឆ្នាំ១៩៩៧មកម្ល៉េះ។ បន្ទាប់មកដោយឃើញថា Aum ជាតារាដែលមាន ទាំងរូបសម្ផស្ស និងសមត្ថភាពទៀតនោះ នាងក៏បានដើរតួក្នុងបទចម្រៀងរបស់ Ton Aphakorn ធ្វើឲ្យអ្នករាល់គ្នា ស្គាល់នាងកាន់តែច្បាស់។ចាប់តាំងពីពេលនោះមក កេរ្តិ៍ឈ្មោះរបស់នាង កាន់តែមានការគាំទ្រខ្លាំងឡើងជាលំដាប់ រហូតមកដល់សព្វថ្ងៃ។
២៖ Mario Maurer
បើក្រឡេកមើលជំហានដំបូង ដែលបណ្ដាលឲ្យតារាសម្ដែងប្រុស Mario បានឈានជើងចូលវិស័យនេះ អាចគិតថាជារឿង មិនគួរឲ្យជឿក៏បាន ព្រោះនៅពេលនោះ មានបុគ្គលិកដែលជាភ្នាក់ងារផ្នែកបង្ហាញម៉ូត បានជួបរូបគេដោយចៃដន្យ បន្ទាប់មកដោយឃើញ រូបសម្បតិស្រស់សង្ហារនិងចិត្តស្រលាញ់សិល្បៈផងនោះ ទើបជំរុញឲ្យតារាប្រុសរូបនេះ ចាប់ផ្ដើមការងារក្នុងវិស័យនេះ នៅពេលដែលគេមានវ័យ១៦ឆ្នាំ។ ការងារដំបូងរបស់Mario គឺធ្វើជាតារាថតម៉ូត និងផ្សាយពាណិជ្ជកម្មជាដើម។
៣៖ Nadech Kugimiya
បើនិយាយពីកត្តា ដែលធ្វើឲ្យតារាសម្ដែងប្រុសថ្ពាល់ខួចរូបនេះ បានប្រឡូកក្នុងវិស័យិល្បៈក៏ស្ទើរតែមិនគួរឲ្យជឿដែរ ព្រោះជាការជួបដោយចៃដន្យ ជាមួយនឹងអ្នកចាត់ការដ៏ល្បីឈ្មោះ A- Supachai តែប៉ុណ្ណោះ។ បន្ថែមពីនេះ ដោយចិត្តចង់ធ្វើការងារសិល្បៈផង បានជម្រុញឲ្យ Nadech បានទៅរៀនជំនាញសម្ដែងអស់រយៈពេល២ឆ្នាំ មុនចាប់ផ្ដើមឈានជើងចូលក្នុងសិល្បៈ៕