ទាំង​នេះជា​មុខមាត់​ថ្មី​របស់​ ចាន់​ឡា​ ក្រោយពេលកែសម្ផស្សរូច ដូច​មនុស្ស​២នាក់ផ្សេង​គ្នា​

 ភ្នំពេញ៖ ដូចដែលប្រិយមិត្តបានជ្រាបរួចមកហើយពីបេក្ខភាព ​X Factor ប្អូនស្រី លៀង ចាន់ឡា ដែលមានជីវភាពខ្វះខាតខ្លាំង តស៊ូក្រលំបាក ទម្រាំបានប្រាក់មកប្រឡងក្នុងកម្មវិធី ម្តាយខំដើរស៊ីឈ្នួលបោកខោអាវគេ ទាំងដែលខ្លួនគ្មានឪពុកដូចគេ ធ្វើឲ្យទស្សនិកជន ស្ដាប់ហើយទប់ទឹកភ្នែកស្ទើរមិនបាន។
 ជាមួយគ្នានេះដែរ ក្រោយពីបានដឹងបែបនេះ គេសង្កេតឃើញមានបណ្ដាអ្នកប្រើប្រាស់បណ្ដាញសង្គមជាច្រើនស៊ែរចែករំលែក រហូតដល់មានសប្បុរជននាំគ្នាប្រកាសជួយដល់ប្អូនស្រី លៀង ចាន់ឡា ជាមួយនឹងសម្លៀកបំពាក់ជាច្រើន។
 ជាក់ស្ដែង កាលពីម្សិលមិញនេះ ក្រោយពីមានប្រកាសស្វែងរកប្អួនស្រី លៀង ចាន់ឡា ដើម្បីផ្ដល់សេវាកែសម្ផស្សជូនដល់ប្អូននោះ លៀង ចាន់ឡា មិនបង្អង់យូរទេ​ ដោយរូបនាងបានធ្វើដំណើរពីខេត្ត មកទាំងថ្ងៃតែម្ដង។
 ក្នុងនោះផងដែរ បើផ្អែកទៅតាមការបង្ហោះរបស់ម្ចាស់ហាងរូបស្រស់សោភា បានឲ្យដឹងថា ខ្លួន និងធ្វើការចាក់ច្រមុះ មាត់ ចង្កា ប៉ាក់ចិញ្ចើម ជូនដល់ប្អូនស្រី ដោយមិនយកប្រាក់នោះទេ។ គួរឲ្យដឹងផងដែរថា ក្រោយពីប្អូនស្រី​ លៀង ចាន់ឡា បានទទួលសេវាកម្មរួចមក នាង ហាក់បីដូចជាមនុស្ស២នាក់ផ្សេងគ្នាអញ្ចឹង ស្អាតប្លែកមើលមិនចង់ស្គាល់ថាជានាងឡើយ៕

តោះដើម្បជ្រាបច្បាស់ ទៅទស្សនារូបភាពរូបភាពទាំងអស់គ្នា៖