បរទេស៖ ពិតជាធ្វើឲ្យអ្នកគាំទ្រនារីៗលួចច្រណែនគ្រប់គ្នា ក្រោយតារាស្រីដែលមានភាពជោគជ័យខ្លាំងនៅក្នុងវិស័យសិល្បៈនាង Kylie Jenner ត្រូវស្វាមីជាតារាចម្រៀងរ៉េបលោក Travis Scott ធ្វើរឿងដ៏រំភើបមួយឲ្យនាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយកាលពីថ្ងៃទី០៥ ខែសីហា តារាស្រីវ័យ២១ឆ្នាំរូបនេះ បានភ្ញាក់ពីគេង ហើយឃើញផ្ទះរបស់ខ្លួនពោរពេញដោយផ្កាកុលាប ប្រៀបដូចជាកម្រាលព្រំ។ ដែលទាំងនេះជាការរៀបចំរបស់លោកTravis Scott ដើម្បីSurprise ភរិយាយ៉ាងពិសេស មុនពេលថ្ងៃកំណើតរបស់នាងមកដល់។
ជាមួយគ្នានេះ Kylie Jenner បានផុសវីដេអូភ្ជាប់នឹងពាក្យមួយឃ្លា ដោយក្តីរំភើបយ៉ាងដូច្នោះថា៖
«ផ្ទះរបស់ខ្ញុំពោរពេញទៅដោយផ្កាកុលាប! @TravisScott នេះនៅមិនទាន់ដល់ថ្ងៃកំណើតខ្ញុំនៅឡើយទេ!!! Omg»
គួរឲ្យដឹងផងដែរថា ថ្ងៃកំណើតរបស់ Kylie Jenner គឺនៅថ្ងៃទី១០ ខែសីហា ខាងមុខនេះ។ទន្ទឹមនឹងនេះផងដែរ អ្នកគាំទ្ររំពឹងទុកថា នៅក្នុងថ្ងៃនោះប្រាកដជាអ្វីដែលពិសេសជាងនេះជាមិនខាន ហើយម្យ៉ាងវិញទៀតលេចលឺដំណឹងថា Kylie បានជួលកប៉ាល់តម្លៃខ្ទង់លានដុល្លារ ដើម្បីជិះលេងកម្សាន្តរយៈពេលមួយសប្តាហ៍ ទុកជាការអបអរថ្ងៃកំណើតគម្រប់អាយុ២២ឆ្នាំ របស់នាងទៀតផង៕
សូមទស្សនារូបភាពខាងក្រោម៖