ភ្នំពេញ៖ បន្ទាប់ពីផ្ទុះការភ្ញាក់ផ្អើលមួយ ពេញបណ្ដាញសង្គមអំពី រឿងរ៉ាវរបស់បេក្ខនារីមួយរូបក្នុងកម្មវិធីប្រកួតប្រជែង X Factor Cambodia មានឈ្មោះថា លៀង ចាន់ឡា ដែលត្រូវបានគេគិតថា មានការរើសអើង ដែលនាងមកពីគ្រួសារមិនសូវធូរធារ។ បើមើលតាមមុខមាត់ និងការតុបតែងខ្លួន គឺគួរឲ្យអាណិតយ៉ាងខ្លាំង និងលំបាកជាងបេក្ខជនផ្សេងៗ។ បន្ទាប់ពីលេចលឺដំណឹងនេះហើយ មានសប្បុរសជន ដែលមានចិត្តធម៌ជាច្រើន បានអំពាវនាវ ចង់ជួយដល់បេក្ខភាពរូបនោះ ដើម្បីសម្រួលខាងផ្នែកសម្រស់របស់នាង ឲ្យបានប្រសើរជាងមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ មានបងស្រីចិត្តធម៌មួយរូប គណនីហ្វេសប៊ុកឈ្មោះថា Ly Teang ដែលជាម្ចាស់ហាងកែសម្ផស្សមួយកន្លែង បានប្រកាសស្វែងរកប្អូនស្រី ចាន់ឡា ដើម្បីកែសម្ផស្សជូននាង ដោយមិនគិតថ្លៃនោះទេ ដែលធ្វើឲ្យហ្វេនៗក្នុងបណ្ដាញសង្គម មានការចែករំលែកដំណឹងនេះតគ្នាយ៉ាងច្រើន។
មិនយូរប៉ុន្មាន ស្រាប់តែកាលពីប៉ុន្មានម៉ោងមុននេះ បានបែកធ្លាយនូវ រូបថតរបស់ ចាន់ឡា ជាច្រើនសន្លឹក ដែលកំពុងទទួលសេវាកម្មកែសម្រស់ ដែលក្នុងនោះ នាងបានចាក់Filler ច្រមុះឲ្យឃើញស្រួចស្អាត និងកែចង្កាទៀតផង។
ក្រោយពីឃើញបែបនេះហើយ មានប្រិយមិត្តក្នុងបណ្ដាញសង្គមជាច្រើន គាំទ្រនិងពេញចិត្តដល់ទឹកចិត្តថ្លៃថ្លារបស់បងស្រីថៅកែហាង ថែមទាំងទន្ទឹងរង់ចាំមើលវត្តមានរបស់ លៀង ចាន់ឡា នៅលើឆាក X Factor Cambodia សាជាថ្មីថា តើនឹងមានភាពស្រស់ស្អាត ប្លែកកម្រិតណា?
ចង់ជ្រាបច្បាស់ ទស្សនារូបភាពខាងក្រោម៖