កូនកើតចាស់ខែពេក ដោយកើតនៅអំឡុងលើសពី ៤១ សប្តាហ៍ឡើងទៅ មិនល្អនោះទេ។ កូនចាស់ខែ កើតមកអាចមានបញ្ហាស្បែកស្ងួត ជ្រួញ ស្តើង ក្រចកវែងៗ សក់ដុះក្រាស់ និងមានខ្លាញ់តិចលើរាងកាយ។ អ្វីដែលគួរឲ្យបារម្ភនោះ កូនកើតចាស់ខែអាចមានបញ្ហាកង្វះអាហារូបត្ថម្ភ និងមានស្រទាប់ខ្លាញ់ក្រោមស្បែកស្តើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូពេទ្យតម្រូវឲ្យម៉ាក់ៗទុកកូនក្នុងពោះយ៉ាងយូរបំផុតត្រឹម ៤១ សប្តាហ៍ ៣ ថ្ងៃប៉ុណ្ណោះ ទោះជាមិនឈឺពោះ ឬបែកទឹកភ្លោះក៏ដោយ។ នេះបើតាមបញ្ជាក់របស់លោកស្រី អួង លីដា នាយសាលនៅផ្នែកបន្ទប់សម្រាល នៃមជ្ឈមណ្ឌលជាតិគាំពារមាតា និងទារក។
ចំពោះមូលហេតុដែលគ្រូពេទ្យតម្រូវឲ្យពពោះយ៉ាងយូរត្រឹម ៤១ សប្តាហ៍ ៣ ថ្ងៃនោះ ដោយសារកូនចាស់ខែពេកអាចគ្រោះថ្នាក់ទាំងម្តាយទាំងកូន។ ចាស់ខែកូនកាន់តែធំ ឯទឹកភ្លោះក៏រីង ធ្វើឲ្យកូនពិបាកធ្វើចលនា និងដកដង្ហើម ចំណែកការបញ្ជូនអុកស៊ីសែនពីម្តាយទៅកូនកាន់តែតិច កូនខ្សោយ កូនជុះអាចម៍ព្រៃក្នុងពោះ ដែលធ្វើឲ្យឆ្លងរោគ និងប៉ះពាល់ដល់ផ្លូវដង្ហើមជាដើម។
កូនកើតចាស់ខែនឹងប្រឈមបញ្ហាទាំងនេះ៖
– ចង្វាក់បេះដូងមិនប្រក្រតី
– ឆ្លងមេរោគតាមទឹកភ្លោះ
– ប្រកាច់
– ខ្សោយបញ្ញា
– មានជំងឺឆ្កួតជ្រូកតាំងពីក្មេង
– ក្បាលធំ
– អាចបាក់ឆ្អឹង
– អាចស្លាប់ក្នុងពោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T