អង់គ្លេស៖ ក្លិបបាល់ទាត់បិសាចក្រហម Manchester United កំពុងតែព្យាយាមចែចូវខ្សែបម្រើរបស់ Tottenham Hotspur កីឡាករ Christian Eriksen ដើម្បីយកមកជំនួសខ្សែបម្រើជម្រើសជាតិបារាំង Paul Pogba ដែលអាចនឹងចាកចេញទៅចូលរួមជាមួយ Real Madrid សម្រាប់ទីផ្សារដោះដូរកីឡាករលើកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមការចុះផ្សាយរបស់សារព័ត៌មានអង់គ្លេស Daily Mail ក្លិបបិសាចក្រហមកំពុងតែព្យាយាមខ្លាំងក្នុងការនាំយក Eriksen ឲ្យបានមុនទីផ្សារដោះដូរកីឡាករនៅអង់គ្លេសបិទ ពោលគឺមុនថ្ងៃព្រហស្បតិ៍។
តាមពិតទៅពីមុន Eriksen ក៏ជាគោលដៅមួយរបស់អ្នកចាត់ការទូទៅ Real Madrid លោក Zinedine Zidane ផងដែរ ប៉ុន្តែការចាប់អារម្មណ៍នោះក៏បានស្ងាត់ទៅវិញ ក្រោយខ្សែបម្រើវ័យ ២៧ឆ្នាំរូបនេះបង្ហាញទម្រង់លេងមិនសូវជាបានល្អកាលពីប្រកួតវគ្គផ្ដាច់ព្រ័ត្រ UEFA Champions Leauge ដែលពេលនោះ Spurs បានប្រកួតចាញ់ Liverpool ក្នុងលទ្ធផល ២-០។
បើតាមប្រភពពីភ្នាក់ងារសារព័ត៌មានរបស់អង់គ្លេស Eriksen មានភាគរយខ្ពស់អាចនឹងចាកចេញពី Spurs ដោយប្រភពសិទ្និនឹងកីឡាករបានឲ្យដឹងថា គេអាចនឹងទៅចូលរួមជាមួយលោក Ole Gunnar Sokjaer នៅ Man UTD។
គួរបញ្ជាក់ផងដែរថា Manchester United ទើបតែបំបែកកំណត់ត្រាខ្សែការពារថ្លៃជាងគេនៅលើលោកក្រោយពីទិញបានខ្សែការពារ Harry Maguire ក្នុងតម្លៃខ្លួន ៨០លានផោនពី Leicester City៕
ប្រភព៖ Fox Sports Asia