ខេត្តស្វាយរៀង ៖ រថយន្តស្តារិចមួយគ្រឿង បានបុកគោយន្តសណ្ដោងរឺុម៉កដឹកគ្រែពីក្រោយពេញទំហឹង បង្កឲ្យមានការភ្ញាក់ផ្អើលដល់អ្នកភូមិ ក៏ដូចជាអ្នកធ្វើដំណើរតាមដងផ្លូវមកចោមរោមមើល។ ចាត់ទុកថា ជាគ្រោះល្អ ដែលគ្មានមនុស្សណាម្នាក់រងរបួស ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសមត្ថកិច្ចសង្ស័យថា រថយន្តស្តារិចប្រើប្រាស់ល្បឿនលឿនខ្វះការប្រុងប្រយ័ត្ន ។ ហេតុការណ៍នេះ កើតឡើងកាលពីវេលាម៉ោង១០និង៣០នាទីព្រឹកថ្ងៃទី២ ខែសីហាកន្លងទៅ នៅលើកំណាត់ផ្លូវជាតិលេខ១ចន្លោះបង្គោលគីឡូម៉ែត្រ លេខ១៣៣និងលេខ១៣៤ ក្នុងភូមិព្រៃសម្ភ័រ ឃុំសំបួរ ស្រុកស្វាយទាប ។
បើតាមនគរបាលស្រុកស្វាយទាបឲ្យដឹងថា អ្នកបើកគោយន្តសណ្ដោងរុឺម៉កដឹកគ្រែឈ្មោះជុច ភៀន ភេទប្រុស អាយុ៣២ឆ្នាំ មុខរបរលក់ដូរ រស់នៅភូមិចុងដូង ឃុំចុងដូង ស្រុកបារាយណ៍ ខេត្តកំពង់ធំ បណ្តាលឲ្យគ្រែធ្លាក់ខូចខាតទាំងស្រុង ។
ចំណែកអ្នកបើករថយន្តឈ្មោះ ភោគ នី ភេទប្រុស អាយុ៤៤ឆ្នាំ ជាកម្មកររោងចក្រ រស់នៅភូមិលៀប ឃុំកណ្តៀងរាយ ស្រុកស្វាយទាប ឯរថយន្តខូចខាតផ្នែកខាងមុខទាំងស្រុង ។ តាមព័ត៌មានថា រថយន្តដែលបុកនេះគឺទើបតែទិញពីក្រុងបាវិតយកមកប្រើប្រាស់ស៊ីឈ្នួលដឹកកម្មករ តែដោយសារការបើកបរមិនទាន់ស្ទាត់ទើបបង្កជាហេតុការណ៍ដូចខាងលើ ។
តាមសាក្សីបានឲ្យដឹងថា បុរសអ្នកបើកគោយន្តសណ្ដោងរឺុម៉កដឹកគ្រែក្នុងទិសដៅពីខាងកេីតទៅខាងលិចនៅលើកំណាត់ផ្លូវជាតិលេខ១ ។ លុះមកដល់ចំណុចខាងលើ ស្រាប់តែមានរថយន្តមួយគ្រឿងម៉ាកស្តារិច ពណ៌ផ្ទៃមេឃចាស់គ្មានផ្លាកលេខ ធ្វើដំណើរស្របទិសគ្នា បានបុកពីក្រោយពេញទំហឹងបង្កការភ្ញាក់ផ្អើលតែម្ដង ។
ភ្លាមៗ សមត្ថកិច្ចបានមកដល់កន្លែងកើតហេតុធ្វើការវាស់វែង និងអូសយកមធ្យោបាយធ្វើដំណើរទាំង២គ្រឿងទៅរក្សាទុកនៅអធិការដ្ឋាននគរបាលស្រុកស្វាយទាប ដើម្បីដោះស្រាយនៅពេលក្រោយ ៕
ប្រភព៖ កោះសន្តិភាព
Bong I.T