ភ្នំពញ៖ ក្នុងរយៈពេលប្រមាណ ៤ ឆ្នាំកន្លងមកនេះ ទីផ្សារឧបករណ៍និស្សន្ទនៅកម្ពុជា បានបន្តរីកចម្រើនគួរឱ្យកត់សម្គាល់ទាំងទំហំនៃការជួញដូរ ចំនួនតួអង្គក្នុងទីផ្សារ និងបទប្បញ្ញត្តិ ដែលកត្តាទាំងអស់នេះ គឺជាសញ្ញាបង្ហាញពីភាពវិជ្ជមានក្នុងការអភិវឌ្ឍន៍នៃវិស័យនេះបន្ថែមទៀត។ ដោយសារតែភាពរីកចម្រើននេះ វិនិយោគិនកាន់តែច្រើនបានងាកមកចាប់អារម្មណ៍ទៅលើអត្ថប្រយោជន៍នៃការជួញដូរឧបករណ៍និស្សន្ទ ដូច្នេះលោក ចេង តារាវុធ ដែលជាប្រធានផ្នែកប្រឹក្សាយោបល់ហិរញ្ញវត្ថុរបស់ក្រុមហ៊ុនហ្គោលដេន អេហ្វអិកស៍ លីង ឃែភីថល (Golden FX Link Capital) នឹងបង្ហាញពីមូលហេតុដែលនាំឱ្យវិនិយោគិនមើលឃើញពីភាពលេចធ្លោ និងគួរតែវិនិយោគក្នុងទីផ្សារឧបករណ៍និស្សន្ទនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាមួយនឹងការបណ្ដុះបណ្ដាល និងបទពិសោធន៍ជិត ១០ ឆ្នាំមកហើយក្នុងវិស័យហិរញ្ញវត្ថុលោក ចេង តារាវុធ បានលើកឡើងថា៖
«ឧបករណ៍និស្សន្ទ គឺសំដៅដល់កិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុមានដូចជា រូបិយប័ណ្ណបរទេស មាស ប្រាក់ ប្រេងឆៅជាដើម។ បើនិយាយឱ្យស្រួលស្តាប់ គឺជាការទិញលក់ហាងឆេង មាស ប្រាក់ ប្រេងឆៅ និងរូបិយប័ណ្ណបរទេស។ វិនិយោគិនធ្វើការជួញដូរលើឧបករណ៍និស្សន្ទដើម្បីបង្កើនឱកាសរកប្រាក់ចំណូលបន្ថែមទៅលើរបរប្រចាំថ្ងៃ ដោយសារតែមិនចាំបាច់ចំណាយពេលយូរ ឬរើសទីកន្លែង គឺមានន័យថា វិនិយោគិនអាចជួញដូរបាននៅគ្រប់ទីកន្លែងតាមរយៈទូរស័ព្ទដៃ ឬកុំព្យូទ័រ ដែលមានការតំឡើងនៃកម្មវិធីជួញដូរ»។
លោក តារាវុធ បានបន្តថា៖
«ក្នុងការជួញដូរឧបករណ៍និស្សន្ទ វិនិយោគិនមិនចាំបាច់ត្រូវតែមានដើមទុនច្រើន ឬធំនោះទេ ហើយពួកគេអាចការពារ និងកំនត់ហានិភ័យនៃការជួញដូរដោយស្វ័យប្រវត្តិនៅលើកម្មវិធីជួញដូរ។ អ្វីដែលសំខាន់មួយទៀតនោះគឺ សុវត្តិភាពនៃដើមទុនវិនិយោគ ដោយសារការផាត់ទាត់ គឺធ្វើឡើងតាមរយៈធនាគារ ដែលទទួលស្គាល់ដោយគណៈកម្មការមូលបត្រកម្ពុជា។ ការជួញដូរមានភាពរហ័សទាន់ចិត្ត ដោយសារតែការជួញដូរធ្វើឡើងជាមួយធនាគារ និងទីផ្សារពិភពលោកទាំងមូល ដែលផ្តល់នូវភាពងាយស្រួលក្នុងការផាត់ទាត់សាច់ប្រាក់របស់អតិថិជន»។
យោងទៅតាមសម្តីរបស់ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន ហ្គោលដេន អេហ្វអិកស៍ លីង ឃែភីថល រូបនេះ ឱកាសនៃការទទួលបានប្រាក់ចំណេញកាន់តែមានខ្ពស់ប្រសិនបើវិនិយោគិនបានសិក្សាពីវិស័យហិរញ្ញវត្ថុ ដោយសារតែពួកគេអាចវិភាគ និងក្ដាប់បាននូវបម្រែបម្រួលទីផ្សារ។ ដូច្នេះហើយទើបក្រុមហ៊ុន ហ្គោលដេន អេហ្វអិកស៍ លីង ឃែភីថល ក៏ដូចជារូបលោកផ្ទាល់តែងតែផ្ដល់ការប្រឹក្សា និងវគ្គបណ្ដុះបណ្ដាលដល់អតិថិជន និងវិនិយោគិនដើម្បីភាពជោគជ័យសម្រាប់គ្រប់ភាគីទាំងអស់។
បច្ចុប្បន្ននេះទីផ្សារឧបករណ៍និស្សន្ទមានការគាំទ្រយ៉ាងខ្លាំងពីបណ្ដាវិនិយោគិនជាតិនិងអន្តរជាតិ។ ដូច្នេះក្រុមហ៊ុន ហ្គោលដេន អេហ្វអិកស៍ លីង ឃែភីថល ដែលជាក្រុមហ៊ុនទទួលបានអាជ្ញាបណ្ណឈ្មួញជើងសាឧបករណ៍និស្សន្ទពីគណៈកម្មការមូលបត្រកម្ពុជា តែងតែខិតខំពង្រីក និងពង្រឹងសេវាកម្មរបស់ខ្លួនឱ្យស្របតាមបទដ្ឋានអន្តរជាតិ។
សម្រាប់ព័ត៌មាន និងចំណេះដឹងបន្ថែមសូមទំនាក់ទំនងក្រុមហ៊ុន ហ្គោលដេន អេហ្វអិកស៍ លីង ឃែភីថល តាមរយៈទូរស័ព្ទលេខ 023 22 6666/099 922 233/070 922 233 ឬចូលទៅគេហទំព័រ www.goldenfxlink.com ឬផ្ញើសារទៅទំព័រ Facebook: Golden FX Link Capital Co., Ltd. ៕
Bong I.T