រាជធានីភ្នំពេញ ៖ សេចក្តីរាយការណ៍បឋម បុរសរត់កង់បីម្នាក់បានក្លាយខ្លួនទៅជាចោរ បន្ទាប់ពីគាត់បានឃើញភ្ញៀវជនជាតិកូរ៉េម្នាក់ស្រវឹងស្រា លុះពេលទៅដល់កន្លែងស្ងាត់គាត់បានដេញឲ្យបុរសជនជាតិកូរ៉េនោះចុះ រួចបានកញ្ឆក់យកទូរស័ព្ទដៃស៊េរីទំនើប១គ្រឿង ហើយបើកកង់បីរត់គេចខ្លួនបាត់ស្រមោល ដោយមិនបានដឹងថា ទូរស័ព្ទនោះមានភ្ជាប់ប្រព័ន្ធតាមដានសុវត្ថិភាព GPS ឡើយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណែកបុរសជនជាតិកូរ៉េរូបនោះបានទៅសុំឲ្យនគរបាលសង្កាត់ភ្លើងឆេះរទេះជួយអន្តរាគមន៍លុះ៣ថ្ងៃក្រោយមក គឺនៅថ្ងៃទី០៣ ខែសីហានេះ បុរសអ្នករត់កង់បីបានយកទូរស័ព្ទទៅបុកប្រូក្រាមដោះលេខកូដចំណុចហាង «សោភ័ណ្ឌ» ជួលជុលទូរស័រព្ទដៃ ស្ថិតនៅក្នុងផ្សារចោមចៅ ភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។ បុរសអ្នករត់ម៉ូតូកង់បីដែលត្រូវនគរបាលឃាត់ខ្លួននាំយកទៅសាកសួរនាំខាងលើនោះឈ្មោះ ស៊ឹម ពៅ អាយុ៥៣ឆ្នាំ ស្នាក់នៅផ្ទះជួល ស្ថិតនៅក្នុងភូមិភ្លើងឆេះរទេះខាងលិច សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមរយៈស្ត្រីអ្នកបកប្រែភាសាកូរ៉េបានឲ្យដឹងថា កាលពីវេលាយប់ថ្ងៃទី៣១ កក្កដានេះ បុរសជនជាតិកូរ៉េរូបនោះបានទៅផឹកស៊ីក្នុងនៅហាងមួយកន្លែង ស្ថិតនៅពីម្តុំមុខអាកាយានដ្ឋានអន្តរជាតិភ្នំពេញ សង្កាត់កាកាប១ ខណ្ឌពោធិ៍សែនជ័យ ។ រហូតដល់វេលាម៉ោង២រំលងអធ្រាត្រឈានចូលថ្ងៃទី០១ សីហានេះ ហៅម៉ូតូរ៉ឺម៉កកង់បីជិះឆ្ពោះទៅផ្ទះម្តុំ សង្កាត់កំបូល ខណ្ឌកំបូល ប៉ុន្តែពេលទៅដល់ត្រង់ចំណុចខាងកើតវត្តកំបូលមិនទាន់ដល់គោលដៅផងក៏បានឈប់ រួចហើយអ្នករត់កង់បីបានឲ្យបុរសជនជាតិកូរ៉ដែលស្រវឹងស្រានោះចុះចេញ ព្រមទាំងទារលុយថ្លៃជិះកង់បីថែមទៀត ។ ប៉ុន្តែខណៈនោះបុរសជនជាតិកូរ៉េខាងលើមិនព្រមឲ្យលុយទេ ព្រោះមិនទាន់គោលដៅដែលខ្លួនត្រូវចុះនៅឡើយ មិនតែប៉ុណ្ណោះគាត់បានដកយកទូរស័ព្ទម៉ាក SAMSUNG NOTE 9 មួយគ្រឿងចេញពីក្នុងហោប៉ៅខោកាន់នៅក្នុងដៃ ហើយពេលនោះដោយសារតែឃើញភ្ញៀវស្រវឹងជោគជាំស្មានថា មិនដឹងអី បុរសអ្នកបើកកង់បីក៏បានកញ្ឆក់យកទូរស័ព្ទ រួចបើកកង់បីគេចខ្លួនបាត់ស្រមោលតែម្ដង ។
នគរបាលបានឲ្យដឹងថា ក្រោយពេលកើតហេតុជនរងគ្រោះបានមើលប្រព័ន្ធតាមដាន GPS តាមរយៈទូរស័ព្ទរបស់ខ្លួន១គ្រឿងទៀត ក៏ឃើញលោតនៅចំណុចផ្ទះជួលរបស់ជនសង្ស័យ ស្ថិតនៅក្នុងភូមិភ្លើងឆេះរទេះខាងលិច សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។ បន្ទាប់មកបានប្ដឹងនគរបាលប៉ុស្តិ៍ខាងលើឲ្យជួយអន្តរាគមន៍ ប៉ុន្តែដោយខ្លាចមិនទាន់ច្បាស់គាត់ក៏ចាំឃ្លាំមើលលុះដល់វេលាម៉ោង២សៀល ថ្ងៃទី៣ ខែសីហា ក៏បានឃើញជនសង្ស័យជិះម៉ូតូចេញពីផ្ទះជួលឆ្ពោះទៅកាន់ផ្សារចោមចៅ ។
ពេលនោះជនរងគ្រោះ និងនគរបាលប៉ុស្តិ៍ភ្លើងឆេះរទេះ រួមជាមួយនគរបាលប៉ុស្តិ៍ចោមចៅទី៣ បានតាមរហូតដល់ផ្សារចោមចៅ ខណៈជនសង្ស័យបានយកទូរស័ព្ទមកឲ្យជាងបុកប្រូក្រាមផ្តាច់លេខកូដ នៅចំណុចហាង «សោភ័ណ្ឌ» ជួសជុលទូរស័ព្ទក៏ទើបឃាត់នាំយកទៅប៉ុស្តិ៍ចោមចៅទី៣រួច បញ្ចូនបន្តទៅកាន់ប៉ុស្តិ៍កំបូល ខណ្ឌកំបូល ដើម្បីសាកសួរ និងកសាងសុំណុំរឿងចាត់ការតាមច្បាប់ ៕ កែសម្រួលដោយ ៖សុឃាក់
Bong I.T