កាណាដា៖ គិតមកដល់ថ្ងៃនេះអស់រយៈពេលជាង៦០ថ្ងៃ ដែលតារាចម្រៀងប្រុសលោក ឆន សុវណ្ណរាជ បានចេញទៅសម្ដែងនៅក្នុងប្រទេស កាណាដា ទទួលបានការគាំទ្រខ្លាំងពីសំណាក់ បងប្អូនខ្មែរ ដែលរស់នៅទីនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះផងដែរ ក្រៅពីសកម្មភាពសម្ដែងក្នុងប្រទេស កាណាដា នោះ លោក ឆន សុវណ្ណរាជ ក៏បានបង្ហាញរូបភាពជាច្រើនពីដំណើរកម្សាន្តគ្រប់ទិសទីរបស់លោក នៅលើបណ្ដាញសង្គមទទួលបានការចាប់អារម្មណ៍យ៉ាងខ្លាំង ទាំងយប់ថ្ងៃ។
តែអ្វីដែលធ្វើឲ្យបណ្ដាហ្វេនៗ របស់តារាចម្រៀងប្រុសដ៏មានប្រជាប្រិយភាពលោក ឆន សុវណ្ណរាជ មានការចាប់អារម្មណ៍ខ្លាំងជាងនេះទៅទៀតនោះគឺ វីដេអូមួយដែលបានបង្ហោះនៅលើគណនីហ្វេសប៊ុកផ្លូវការរបស់លោក ក្នុងបកស្រាយបទចម្រៀងជាមួយនឹងអ្នកនាង មាស សុខសោភា ។
ក្នុងបទចម្រៀងនោះផងដែរ មានចំណងជើងថា«ស្នេហ៍ឆ្លងវេហា» រួមជាមួយនឹងទេសភាពទឹកជ្រោះនៅពីក្រោយស្ដាប់ហើយពីរោះខ្លាំងមែនទែន បើទោះបីជាបទចម្រៀងមួយនេះបានចេញយូរក៏ពិតមែន តែនៅពេញនិយមដដែល។
គួរឲ្យដឹងផងដែរថា បើទោះបីជាសកម្មភាពនៅក្នុងវីដេអូនោះ នៅក្នុងប្រទេស កាណាដា ក៏ពិតមែន តែពេលនេះវត្តមានរបស់លោក ឆន សុវណ្ណរាជ បានមកដល់ប្រទេស កម្ពុជា វិញហើយ ព្រមទាំងលោកចូលរួមឡើងសម្ដែង នៅលើឆាកទូរទស្សន៍ហង្សមាស HDTVផងដែរ៕
តោះទៅទស្សនាវីដេអូទាំងអស់គ្នា៖