ភ្នំពេញ៖ ដូចប្រិយមិត្តជាច្រើនបានជ្រាបហើយថា តារាចម្រៀងប្រុសដ៏មានប្រជាប្រិយភាព លោករិន សាវ៉េត បានបាត់បង់ភរិយាជាទីស្រលាញ់អស់ពេលជាង២ឆ្នាំមកហើយ ខណៈបន្សល់ទុកនូវកូនប្រុសម្នាក់ដែលត្រូវមើលថែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងនាព្រឹកមិញនេះមានការភ្ញាក់ផ្អើល ពីបណ្តាអ្នកគាំទ្រយ៉ាងខ្លាំង ក្រោយតារាប្រុសរូបនេះបានសម្រេចចិត្តយកភរិយាថ្មី ចូលរោងភ្ជាប់ពាក្យនាព្រឹកនេះ ក្រោយបានធ្វើការសុំចិត្តកូនប្រុសដើម្បីមើលថែកូនលោក។
តាមរយៈកម្មវិធីដ៏អធិកអធមមួយនេះ បានធ្វើឲ្យអ្នកគាំទ្រជាច្រើនពិតជារំភើបយ៉ាងខ្លាំង ដែលស្ងាត់ៗលោកក៏បានបង្ហាញមុខអនាគតភរិយាថ្មី នៅក្នុងរោងជ័យបែបនេះតែម្តង។ មិនត្រឹមតែប៉ុណ្ណោះនៅក្នុងនោះឃើញថា លោកនិងអនាគតភរិយាបានធ្វើការតែងខ្លួនក្នុងឈុតបុរាណយ៉ាងស្អាតៗ សាកសមនឹងគ្នាយ៉ាងខ្លាំង។
ទន្ទឹមនឹងដំណឹងមួយនេះបានធ្វើឲ្យអ្នកគាំទ្រជាច្រើនបាននាំគ្នា ចូលរួមអបអរដល់លោក ដែលទទួលបានមនុស្សម្នាក់ដែលស្រលាញ់ និងអាចមើលថែលោក ក៏ដូចជាកូនប្រុសរបស់ខ្លួនបាន ក្រោយភរិយាស្លាប់អស់រយៈពេលជាច្រើនឆ្នាំមកនេះ៕
សូមទស្សនារូបភាពខាងក្រោមនេះ៖