នាំគ្នាចាប់អារម្មណ៍ សម្រស់តារាកំប្លែងចំណូលថ្មី ក្រុមនាយក្រឹម នៅក្រៅស្អាតមិនធម្មតា! (មានវីដេអូ)

ភ្នំពេញ៖ ពីមួយសប្តាហ៍ទៅមួយសប្តាហ៍តារាកំប្លែងដ៏មានប្រជាប្រិយភាព មាឌតូចល្អិតនាយក្រឹម តែងតែបង្ហាញនូវស្នាដៃថ្មី ក្នុងរឿងកំប្លែងក្នុងកម្មវិធី«សំណើចចុងសប្តាហ៍» តាមរយៈការជ្រើសរើសនូវតួអង្គសម្តែងទាំងក្មេងចាស់ ដែលមានសមត្ថភាពយ៉ាងគួរឲ្យសរសើរតែម្តង។

ជាក់ស្តែងនៅក្នុងសប្តាហ៍នេះរឿងកំប្លែងថ្មី«អាចារ្យបានប្រពន្ធចោរ » ដែលពិតជាល្អមើល និងទទួលបានការគាំទ្រយ៉ាងខ្លាំងពីអ្នកទស្សនាជាច្រើន តែអ្វីដែលកាន់តែចាប់អារម្មណ៍ខ្លាំងនោះគឺ នៅក្នុងរឿងថ្មីលើកនេះ ក៏មានតួអង្គថ្មីៗប៉ុន្មានរូបដែលបានបង្ហាញសមត្ថភាពគួរឲ្យសរសើរ។

ដោយក្នុងនោះគឺតួអង្គជាប្រពន្ធនាយក្រឹម ក៏បានធ្វើឲ្យអ្នកគាំទ្រសរសើរយ៉ាងខ្លាំងជាមួយនឹងសមត្ថភាព ចំណែកឯរូបសម្រស់នៅខាងក្រៅវិញធ្វើឲ្យអ្នកគាំទ្រពេញចិត្តយ៉ាងខ្លាំង ព្រោះនាងមានមុខមាត់ស្រស់ស្អាតខ្លាំង មិនថាការតែងខ្លួននោះទេ ពិតជាស៊ីវិល័យតែម្តង។

ទន្ទឹមនឹងនេះដែរ បណ្តាអ្នកគាំទ្រជាច្រើនក៏បានសរសើរដល់តារាកំប្លែងស្រីចំណូលថ្មីរូបនេះ ដែលមិនត្រឹមតែមានសមត្ថភាពល្អគួរឲ្យសរសើរនោះទេ តែនាងក៏មានរូបឆោមស្អាតមិនធម្មតាដែរ៕

សូមទស្សនារូបភាពខាងក្រោមនេះ៖