ប្រសិនបើអ្នកចង់រំលូតកូនតាមចិត្តឯង ដោយគ្រាន់តែទៅទិញថ្នាំយកមកលេប គ្មានជំនួយ និងជំនួបពីគ្រូពេទ្យជំនាញអាចប៉ះពាល់ចំពោះសុខភាពយើងច្រើន ដែលអាចឈានដល់គ្រោះថ្នាក់ទៀត ហើយបើករណីខ្លះកូនមិនធ្លាក់ នោះកូនកើតមកអាចជួបបញ្ហាច្រើនណាស់។ នេះបើតាមការឲ្យដឹងពីវេជ្ជបណ្ឌិត ចាន់ ស៊ីណេត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការរំលូតដោយចិត្តឯងនេះទៀត បើធ្វើទៅកូនមិនធ្លាក់វិញ មានផលប៉ះពាល់ខ្លាំងពេលកូនកើតមក។ ក្នុងនោះវេជ្ជបណ្ឌិតឯកទេសទូទៅរូបនេះបានបន្ថែមថា កូនដែលរំលូតហើយមិនធ្លាក់ថ្ងៃក្រោយទៅអាចមានបញ្ហាកូនកើតមកមិនគ្រប់លក្ខណៈ ទឹកដក់ខួរក្បាល អត់លលាដ៍ក្បាល ខ្វះអវយវៈ ខ្សោយប្រាជ្ញាស្មារតី ស្វិតដៃជើង ជាដើម។
វេជ្ជបណ្ឌិត ចាន់ ស៊ីណេត បន្តទៀតថា ស្រីៗរំលូតកូនដោយខ្លួនឯង បានជោគជ័យមិនមានផលប៉ះពាល់អ្វីធ្ងន់ធ្ងរទេ កុំឲ្យតែមានការសល់ទើបបណ្ដាលឲ្យចុកពោះខ្លាំង ធ្លាក់ឈាមច្រើន ឆ្លងរោគ មាត់ស្បូន រលាកស្បូន និងប៉ះពាល់ដល់សរីរាង្គខាងក្នុង។ ដូចនេះហើយបើមិនមានបំណងមិនចង់ទុកកូន គួរតែទៅជួបពេទ្យជំនាញ ដើម្បីពិភាក្សាថាគួរតែយកកូនចេញដោយវិធីបែបណា។
ទោះជារំលូតកូនបានមែន តែក្នុងករណីខ្លះវាអាចបណ្ដាលឲ្យ៖
១- ធ្លាក់ឈាមមកមិនឈប់ ហើយពេលខ្លះអាចបណ្ដាលឲ្យស្ត្រីបាត់បង់ជីវិត
២- ធ្វើឲ្យស្ត្រីស្លេកស្លាំង
៣- មានការបង្កររោគ ស្បូន ឬមាត់ស្បូន ហេតុនេះហើយទើបអ្នកខ្លះគ្មានកូនទៀត
៤- ដំបៅរលួយក្នុងស្បូន ប្រសិនបើកូនមិនធ្លាក់អស់ជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet