ទូរស័ព្ទ មានប្រយោជន៍ច្រើនសម្រាប់ទំនាក់ទំនងទូទៅ ផ្តល់ភាពងាយស្រួល ចំណេញពេល ប៉ុន្តែអ្វីក៏ដោយមានគុណសម្បត្តិ សុទ្ធតែមានគុណវិបត្តិដូចគ្នា ព្រោះទូរស័ព្ទ គឺមានរលកសញ្ញាវិទ្យុសកម្មខ្ពស់ ប៉ះពាល់សុខភាព ពិសេសទារកទើបកើត បានជាមានការសិក្សាជាច្រើន ផ្តោតសំខាន់លើករណីនេះ និងរកឃើញពិតជាប៉ះពាល់មែន។ បើអ៊ីចឹងគួរប្រើទូរស័ព្ទក្បែរទារកទើបកើត ឬទារកតូចៗដែរអត់? ប៉ះពាល់អីខ្លះ? ចង់ដឹងអត្ថបទ “Hello គ្រូពេទ្យ” នឹងពន្យល់ឲ្យបានដឹង។
១- ទារករងផលប៉ះពាល់ពីជាតិវិទ្យុសកម្មឧបករណ៍គ្មានខ្សែ
ជាតិវិទ្យុសកម្មពីឧបករណ៍អេឡិចត្រូនិកគ្មានខ្សែ ពិសេសទូរស័ព្ទ ជាភាសាបច្ចេកទេស Microwave Radiation ឬ MWR គឺមានស្ទើរគ្រប់ទីកន្លែងជុំវិញខ្លួនយើង ហើយត្រូវបានក្រុមអ្នកវិទ្យាសាស្ត្រធ្វើការសិក្សាជាច្រើនលើកច្រើនសារ ដោយបានរកឃើញផលប៉ះពាល់ជាបន្តបន្ទាប់ ទៅលើសុខភាពមនុស្ស។ គួរឲ្យព្រួយបារម្ភខ្លាំងទៀតនោះ ការសិក្សាថ្មីរកឃើញកាន់តែច្បាស់ថា រលកវិទ្យុសកម្ម MWR ជះឥទ្ធិពលអវិជ្ជមានកាន់តែខ្ពស់ ទៅលើទារកទើបកើត និងនៅក្នុងផ្ទៃ ជាហេតុធ្វើឲ្យមានការណែនាំ មិនគួរបើទូរស័ព្ទច្រើន អំឡុងពេលពពោះ ឬក្បែរទារកតូចៗទេ ព្រោះដោយសារជាលិកាខួរក្បាលទារកតូចៗ មានស្រូបយកជាតិវិទ្យុសកម្មខ្លាំង ហើយលលាដ៍ក្បាលស្តើង និងទំហំតូចនាំឲ្យទារកកាន់តែងាយរងគ្រោះជាមួយការស្រូបយើង ជាវិទ្យុសកម្មទាំងនោះបាន។ ចំពោះទារកមិនទាន់កើតការរងត្រូវប៉ះពាល់នឹងជាតិវិទ្យុសកម្មអាចបណ្តាលឲ្យថយចុះ និងទ្រុឌទ្រោមស្រោមការពារខួរក្បាល ដែលមាននាទីជាអ្នកការពារប្រព័ន្ធសរសៃប្រសាទខួរក្បាលទាំងមូល។ ការសិក្សាជាច្រើនបង្ហាញពិតថាក្មេងកាន់តែតូច កាន់តែងាយរងគ្រោះខ្លាំងទៅនឹងជាតិវិទ្យុសកម្មផ្សាយភាយពីគ្រឿងអេឡិចត្រូនិកដោយថែមទាំងអះអាងថា ជាលិកាខួរក្បាលក្មេងអាចស្រូបយកជាតិវិទ្យុសកម្មច្រើនជាមនុស្សពេលវ័យដល់ទៅ ២ ដង ខណៈសិក្សាមួយផ្សេងទៀត បង្ហាញថា កម្រិតជាតិវិទ្យុសកម្ម MWR ក្នុងខួរឆ្អឹងក្មេង គឺខ្ពស់ជាងមនុស្សពេញវ័យដល់ទៅ ១០ ដង។
២- ទូរស័ព្ទដៃ និងហានិភ័យសុខភាព
ការប្រើទូរស័ព្ទដៃ អាចបង្កហានិភ័យសុខភាពធ្ងន់ធ្ងរជាច្រើនរួមមាន មហារីកខួរក្បាលអាចនឹងបណ្តាលឲ្យស្លាប់។ ទោះយ៉ាងនេះក្តីរហូតមកដល់ពេលនេះមិនមានការព្រមព្រៀងណាមួយពីសំណាក់ក្រុមអ្នកវិទ្យាសាស្ត្រ កំណត់កម្រិតហានិភ័យមហារីក បង្កមកពីការប្រើទូរស័ព្ទដៃនៅឡើយ។
៣- គោលការណ៍ណែនាំពីសុវត្ថិភាពប្រើទូរស័ព្ទ
អ្នកជំនាញបាននិយាយថា ថ្វីបើយើងមិនចៀសផុតពីការអភិវឌ្ឍន៍ឧបករណ៍អេឡិចត្រូនិកគ្មានខ្សែ ក៏ដូចជាមុខនាទីវានៅក្នុងជីវិតប្រចាំថ្ងៃយើងក៏ពិតមែន ប៉ុន្តែយើងអាចប្រើប្រាស់ពួកឧបករណ៍ទាំងនោះតាមវិធីត្រឹមត្រូវ ដើម្បីសុវត្ថិភាពបានដូចជា៖
– រក្សាឧបករណ៍នៅក្នុងចម្ងាយត្រឹមត្រូវ ដោយសម្រាប់ទូរស័ព្ទដៃប្រមាណ ១៥ សង់ទីម៉ែត្រពីត្រចៀក មិនបង្កឲ្យមានបញ្ហាសុខភាពទេ។
– ទូរស័ព្ទដៃបន្តបញ្ចេញកាំរស្មីបើវាបើកឲ្យដំណើរការ ហេតុនេះពេលមិនប្រើប្រាស់គួររក្សាទូរស័ព្ទដៃឲ្យឆ្ងាយពីរាងកាយ អាចដាក់វានៅក្នុងកាបូបដៃ ឬកាបូបស្ពាយក្រោយខ្នងក៏បាន។
– ស្រីៗមានផ្ទៃពោះ គួររក្សាទូរស័ព្ទដៃឲ្យឆ្ងាយ ខណៈអំឡុងពេលកំពុងបំបៅដោះកូនមិនគួរប្រើប្រាស់ទូរស័ព្ទ ឬទូរស័ព្ទដៃជាដាច់ខាត។
– ចំពោះក្មេង និងក្មេងជំទង់ មិនគួររក្សាទុកទូរស័ព្ទដៃនៅក្នុងបន្ទប់ដេកពួកគេនៅពេលយប់ទេ។ សម្រាប់ក្មេងប្រុសទូរស័ព្ទដៃ គួរតែនៅឆ្ងាយពីហោប៉ៅខាងមុខ បើមិនដូចនោះទេមេជីវិតឈ្មោះ អាចនឹងទទួលរងគ្រោះថ្នាក់។ ទោះករណីនេះមិនត្រូវបានបញ្ជាក់ថា ពិតតាមលក្ខណៈវិទ្យាសាស្ត្រក៏ដោយ តែយ៉ាងណាដើម្បីសុវត្ថិភាពគួរពិចារណាចំពោះរឿងនេះ។ សម្រាប់ក្មេងស្រីទូរស័ព្ទដៃ មិនគួរនៅក្នុងអាវទ្រនាប់ ឬពីមុខសុដន់ឡើយ ធ្វើបែបនេះដើម្បីបង្ការមហារីកសុដន់។
– ប្រើទូរស័ព្ទដៃសម្រាប់ក្មេងអាចដាក់នៅជិតខ្លួនបាន ព្រោះសេវាទូរស័ព្ទប្រភេទនេះ ទាំងទូរស័ព្ទកុំព្យូទ័រមិនបញ្ចេញកាំរស្មីឡើយ ហេតុនេះពួកអាចជាជម្រើសផ្សេងមួយទៀត។
និយាយរួម ឧបករណ៍បញ្ជូនទិន្នន័យរវាង Wi-Fi និងកុំព្យូទ័រ គួរដាក់នៅកន្លែងឆ្ងាយពីមនុស្សម្នា ជាពិសេសក្មេងៗតែម្តង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
ប្រើទូរស័ព្ទក្បែរទារកតូចៗ ឬក្នុងផ្ទៃ ប៉ះពាល់ធ្ងន់ធ្ងរណាស់!
នារី
៣១-កក្កដា-២០១៩ ៨ព្រឹក · ៥ ឆ្នាំមុន