អេស្ប៉ាញ៖ កំពូលខ្សែប្រយុទ្ធរបស់ក្រុមជម្រើសជាតិព័រទុយហ្គាល់ និងក្លិប Juventus កីឡាករ Cristiano Ronaldo បាននិយាយថា គេសង្ឃឹមក្នុងការត្រឡប់មកកាន់ទីក្រុង Madrid ឆាប់ៗវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ronaldo បានចំណាយរយៈពេលមួយទសវត្សន៍ជាមួយក្លិបយក្សអេស្ប៉ាញ Real Madrid ទីដែលគេឈ្នះពាន Ballons d’Or ៤ដង ក្នុងចំណោមការឈ្នះទាំង ៥។ មិនត្រឹមតែប៉ុណ្ណោះ Ronaldo ក៏បានជួយឲ្យ Real Madrid ឈ្នះពានរង្វាន់ UEFA Champions League ៤ដង, La Liga ២ដង និង Copa del Rey ២ដង។ រឹតតែពិសេស Ronaldo អាចរកគ្រាប់បាល់បាន ៤៥០គ្រាប់ ក្នុងការបង្ហាញខ្លួនសរុបឲ្យ Real Madrid ចំនួន ៤៣៨ប្រកួត។
យ៉ាងណាមិញ ខ្សែប្រយុទ្ធមុខស្រស់រូបនេះ បានចាកចេញពី Real Madrid ទៅចូលរួមជាមួយសេះបង្កង់ Juventus នៅទឹកដីអ៊ីតាលី កាលពីរដូវក្ដៅរដូវកាលមុន ក្នុងហេតុផលស្វែងរកការប្រកួតប្រជែងថ្មី។ ជាមួយនឹងការចាកចេញនេះដែរ Ronaldo បានសារភាពអំឡុងពេលទទួលពាន Marca Leyenda award នាទីក្រុង Madrid ថា គេនឹករាជធានីរបស់ប្រទេសអេស្ប៉ាញ គឺរាជធានី Madrid និងមានអារម្មណ៍ថាមិនសប្បាយចិត្តដែលចាកចេញពីក្លិបយក្ស Real Madrid។
ខ្ញុំមានអារម្មណ៍ថាសុំទោស នៅពេលដែលខ្ញុំចាកចេញពី Real Madrid។ ខ្ញុំនឹកក្រុមទាំងពីរ (Man UTD និង Real Madrid) ប៉ុន្តែនេះគឺជាវិថីនៃជីវិត ខ្ញុំធ្លាប់បានរស់នៅជាច្រើនឆ្នាំក្នុងទីក្រុង Madrid, កូនរបស់ខ្ញុំ និងភរិយារបស់ខ្ញុំកើតនៅទីនេះ ដូច្នេះខ្ញុំនឹក Madrid ខ្លាំង។ នេះគឺជាមោទកភាពមួយសម្រាប់ខ្ញុំ ដែលបានឈ្នះពានជាមួយ Real Madrid។ ខ្ញុំសង្ឃឹមថានឹងអាចត្រឡប់មក Madrid វិញក្នុងពេលឆាប់ៗវិញ។
ប្រភព: GOAL
Bong I.T