កម្សាន្ត៖ ជាការពិតក្រោយលែងលះប្តី គេសង្កេតឃើញថា តារាមួយចំនួន បានផ្លាស់ប្តូរ ស្ទាយ៍លេងខ្លួនខ្លាំង គួរឲ្យកត់សម្គាល់ ដែលខុសពីពេល ដែលពួកគេ មានគ្រួសារ។ ការផ្លាស់ប្តូរនេះដែរ ក៏ព្រោះតែពួកគេ ចង់កែប្រែខ្លួណទៅជាមនុស្សមួយទៀត ជាមនុស្សថ្មី បែបស្រស់ស្រាយ លែងឈឺចាប់ លើរឿងស្នេហាបែកបាក់នេះ។
ជាក់ស្តែង គេសង្កេតឃើញថា តារាស្រី២ដួង ដែលមកពីប្រទេសផ្សេងគ្នា គឺនាង Song Hye Kyo មកពីប្រទេសកូរ៉េ និង នាង Yang Mi មកពីប្រទេសចិន ដែលពួកគេ សុទ្ធសឹងតែ លែងលះស្វាមីដូចគ្នា ក្រោមហេតុផលរស់នៅ មិនចុះសម្រុងគ្នា។
ជាមួយគ្នានោះ អ្នកទាំងពីរ ក៏បានកែប្រែខ្លួន ទៅជាមនុស្សផ្សេងមួយបែបទៀត ក្នុងរយៈពេលដ៏ខ្លី សឹងតែធ្វើឲ្យ គ្រប់គ្នា មិនចំណាំពួកគេមិនបាន លើស្ទីលតុបតែងខ្លួន។ ប៉ុន្តែពួកគេ មានយុទ្ធសាស្ត្រ និងរបៀបតែងខ្លួនខុសពីគ្នា បើទោះបីជា ពួកគេ បានផ្លាស់ប្តូរខ្លួនឯងក៏ដោយ៕
តោះទៅតាមដានទាំងអស់គ្នា៖
១) Song Hye Kyo (ប្តូរទៅជាស៊ិចស៊ីី) ៖ បានផ្លាស់ប្តូរខ្លួនពីមនុស្សស្រី ស្លៀកពាក់សាមញ្ញ ធម្មតា ពេលមានស្វាមី ត្រឡប់មកធ្វើខ្លួនស៊ិចស៊ីជាងមុន ជាមួយនឹងឈុតសម្លៀកបំពាក់ បញ្ចេញដើមទ្រូង ទ្រលុកទ្រលន់របស់នាង។ ជាពិសេស សូម្បីតែការផាត់មុខ ក៏បានផ្លាស់ប្តូរ បែបកាច ជាមួយនឹងការបន្ថែម Eye Linerរាងដិតជាងមុន។ បើទោះបីជា អាយុរបស់នាង កាន់តែទៅមុខ ក៏នាងនៅតែ ប្តូររសជាតិថ្មី លើស្ទាយ៍តុបតែងខ្លួនរបស់នាងផងដែរ ក្រោយពេលបែកបាក់ស្វាមី។
២) Yang Mi (ប្តូរទៅជាក្មេងជាងមុន)៖ តារាស្រីរូបនេះ ក៏បានប្តូរខ្លួនឯង ទៅជាមនុស្សផ្សេងទៀតផងដែរ ដោយតែងខ្លួន ក្មេងជាងវ័យជាងមុន ជាមួយនឹងឈុតសម្លៀកបំពាក់ បែបយុវវ័យ។ ជាពិសេស នាងក៏បានផ្លាស់ប្តូរស្ទាយ៍សក់ កាត់ទៅជាសក់សេះផងដែរ ដើម្បីឲ្យរឹតតែក្មេង ថ្វីបើពេលនេះ នាងមានអាយុ៣៣ឆ្នាំក៏ដោយ ក៏ហ្វេន នៅតែមើលឃើញ នាងស្រស់ស្អាត ពេលតែងខ្លួនថ្មីបែបនេះ?៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]