ស្អាតហើយលាក់ធ្វើអីទៀត! តួឯកស្រី៣រូប សារភាពត្រង់ៗតែម្តង ថាខ្លួនធ្លាប់កែសម្ផស្ស

ចិន៖ តាមពិតទៅសម័យនេះ ការកែសម្ផស្សបានក្លាយជារឿងធម្មតាទៅហើយ សម្រាប់មនុស្សគ្រប់រូប។ ពួកគេអាចធ្វើការកែសម្ផស្សបានតាមចិត្ត ដើម្បីទទួលបាននូវរូបសម្រស់ដែលពួកគេចង់បាន។

ទៀតសោតអ្នកសិល្បៈក៏ដូចគ្នាដែរ ប្រសិនបើនាងមានតែសមត្ថភាព ហើយរូបសម្រស់មិនសូវបាន នោះប្រជាប្រិយភាពរបស់នាងក៏ថយចុះទៅតាមនោះដែរ ដូច្នោះសម្រស់ជាកត្តាសំខាន់បំផុត។

ជាក់ស្តែងមានតួឯកស្រីចិន៣រូប សារភាពត្រង់ៗតែម្តង ថាពួកនាងធ្លាប់ឆ្លងកាត់ការកែសម្ផស្ស។ យ៉ាងណាមិញទោះបីជាគ្រប់គ្នាបានដឹងថា សម្រស់របស់ពួកនាងស្រស់ស្អាតដោយការកែកុនក៏ពិតមែន ប៉ុន្តែបើងាកមកមើលពីភាពល្បីល្បាញរបស់ពួកនាងវិញ ក៏មិនណយដែរ។

ចង់ដឹងថាតារាស្រីទាំង៣រូបនោះមានអ្នកណាខ្លះ តោះ!ទៅទស្សនាទាំងអស់គ្នា៖  

១. Zheng Shuang

Zheng Shuang តួឯកស្រីមុខឃ្យូតៗ ដែលជាសំណព្វចិត្តហ្វេនៗជាច្រើន។ អ្នកគាំទ្រចាប់ផ្តើមស្គាល់តារាស្រីរូបនេះកាន់តែខ្លាំង តាមរយៈរឿងបែបយុវវ័យមួយ កាលពីឆ្នាំ២០១៦។ ចាប់តាំងពីចូលប្រឡូកនៅក្នុងវិស័យសិល្បៈមក គ្រប់គ្នាសង្កេតឃើញថា មុខរបស់ Zheng Shuang មានការប្រែប្រួលបន្តិចបន្តួច។ ជាមួយគ្នានេះផងដែរ នាងបានសារភាពត្រង់ៗឲ្យគ្រប់គ្នាបានដឹងតែម្តងថា នាងបានទៅកែទម្រង់បបូរមាត់ថ្មី។  

២. Qi Wei

តារាសម្តែងស្រី Qi Wei ថ្វីត្បិតតែអ្នកគាំទ្រក្រៅស្រុកមិនសូវស្គាល់នាងក៏ពិតមែន ប៉ុន្តែនាងមានឈ្មោះល្បីល្បាញខ្លាំងណាស់នៅក្នុងប្រទេសចិន។ បើទាក់ទងនឹងរឿងរូបសម្រស់របស់នាងវិញ គឺQi Wei តែងតែនិយាយជានិច្ចពីរឿងការកែសម្ផស្ស រាល់ពេលដែលចូលនៅក្នុងកម្មវិធីទូរស្សន៍នានាដោយគ្មានការបិតបាំង។ នៅក្នុងនោះមានការបញ្ជាក់ថា នាងបានធ្វើត្របកភ្នែក២ជាន់ ដើម្បីឲ្យមើលទៅឃើញមុខកាន់តែស្រទន់ និងមានមន្តស្នេហ៍ជាងមុន។  

៣. Sun Li

តារាជើងចាស់ Sun Li ជាអ្នកសម្តែងស្រីដែលមានសមត្ថភាពខ្ពស់ និងធ្លាប់ទទួលបានពានរង្វាន់តារាស្រីលេចធ្លោប្រចាំឆ្នាំច្រើនរាប់មិនអស់ទៀតផង។ បើងាកមកមើលរូបសម្រស់របស់តារាស្រីរូបនេះវិញ ឃើញថាធ្លាប់មានទស្សនាវដ្តីល្បីរបស់ប្រទេសចិនមួយបាននិយាយថា Sun Li បានចំណាយប្រាក់ទៅលើការកែសម្ផស្ស ដើម្បីថតរឿងភាគមួយឲ្យកាន់តែមានភាពល្អឥតខ្ចោះ។ ដោយចំណុចដែលនាងបានកែកុនមានដូចជា ភ្នែក ស្លាបច្រមុះ និងចង្ការ។ 

• តារាចិន