ភ្នំពេញ៖ កាលពីថ្មីៗនេះ តារាប្រចាំផលិតកម្មរស្មីហង្សមាសលោក ដួង វីរៈសិទ្ធ បានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង ក្រោយឃើញតារាប្រុសរូបនេះ Share វីដេអូកម្មវិធី X Factor របស់បេក្ខភាពមួយរូប ដែលបានយកបទរបស់លោកមានចំណងជើងថា “កូនប្រុស” មកប្រកួតប្រជែង។
ក្នុងនោះដែរ លោក ដួង វីរៈសិទ្ធ បានសរសេរសារជាច្រើនឃ្លាបែបនេះ នៅលើការ Share របស់ខ្លួនថា៖ “ខ្ញុំដឹងថាបងបកស្រាយបទនេះទាំងបេះដូងគោរពស្រលាញ់គ្រួសារ សុំសរសើរបងដែលទប់ទឹកភ្នែកបានបើខ្ញុំវិញ ពេលច្រៀងបទនេះម្តងៗប្រឹងទប់ទឹកភ្នែកមិនចង់ជាប់ បទ(កូនប្រុស) និពន្ធបទភ្លេងនិងទំនុកច្រៀងដោយ ដួង វីរៈសិទ្ធ"។
ទោះជាយ៉ាងណាក្តី ផ្អែកលើសារទាំងនេះបានបញ្ជាក់ឲ្យឃើញថា សម្រាប់បទ “កូនប្រុស” លោក ដួង វីរៈសិទ្ធ គ្រប់ពេលដែលលោកច្រៀងបទនេះ គឺលោកមិនអាចទប់ទឹកភ្នែកជាប់នោះទេ ព្រោះថាបទនេះគឺបទដែលនិពន្ធ ដោយលោកផ្ទាល់ដូច្នេះហើយ រាល់ទំនុកច្រៀង និងអត្ថន័យទាំងអស់គឺប្រាកដជាស្តែងចេញពីរឿងរ៉ាវពិតរបស់លោក។
ម៉្យាងវិញទៀត លោក ដួង វីរៈសិទ្ធ ក៏បានលាន់មាត់សរសើរដល់បេក្ខភាព ដែលយកបទនេះមកប្រលង អំពីភាពក្លាហាន និងការព្យាយាមលាក់អារម្មណ៍ដោយមិនឲ្យទឹកភ្នែករបស់ខ្លួនស្រក់ នៅពេលដែលច្រៀងបទនេះផងដែរ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
