កូរ៉េខាងត្បូង៖ នៅក្នុងថ្ងៃទី២៤ ខែកក្កដានេះ កាកបាទក្រហមនៃសាធារណរដ្ឋកូរ៉េខាងត្បូង បានបញ្ជាក់ថាប្រធានក្រុមនៃ ក្រុមចម្រៀងGirl Generation-Taeyeon បានបរិច្ចាគសម្ភារៈ ដោយថវិកាផ្ទាល់ខ្លួនចំនួន១០០លានវ៉ុន ដែលស្មើនឹង ៨៤,៩៤០ដុល្លារអាមេរិក ទៅដល់កាកបាទក្រហម នៃសាធារណរដ្ឋកូរ៉េខាងត្បូង ដែលមានការិយាល័យស្ថិតនៅ ភាគខាងជើងនៃស្រុកJeolla។
ប្រភពដែលមកពីកាកបាទក្រហម បានពន្យល់ថាTaeyeon បានឧបត្ថម្ភសម្ភារៈដោយប្រើប្រាស់ នៅថវិកាផ្ទាល់ខ្លួនតាមរយៈ កាកបាទក្រហមដើម្បី ជួយដល់អ្នកដែលមានជីវភាព ខ្វះខាតជាពិសេសស្ត្រី និងកុមារ ដែលមានប្រាក់ចំណូលទាប សម្ភារៈទាំងនោះមានដូចជា ផលិតផលសម្លាប់មេរោគ រួមទាំងសម្ភារៈសម្រាប់ស្ត្រី ប្រើប្រាស់ជាប្រចាំខែជាដើម។ ខាងអង្គការនឹងធ្វើការ បរិច្ចាគផលិតផលសម្លាប់មេរោគទាំងនោះទៅ ដល់សាលាចំនួន៣ផ្សេងៗគ្នា។
Taeyeon បានលើកឡើងថា “ខ្ញុំសម្រេចចិត្តធ្វើការ បរិច្ចាគនេះក៏ព្រោះតែ ខ្ញុំគិតថាខ្ញុំអាចជួយ ទៅដល់អ្នកដែលត្រូវការ ហើយផ្តល់នូវក្តីសង្ឃឹមទៅ ពួកគេតាមរយៈកាកបាទក្រហម។ ខ្ញុំសង្ឃឹមថា ខ្ញុំអាចផ្តល់នូវភាពកក់ក្តៅ ដល់សិស្សសាលាស្រីៗ នៅដែលពួកគេកំពុង ស្ថិតក្នុងស្ថានភាពលំបាក ប្រចាំខែរបស់ពួកគេ ”។
តាមរយៈការបរិច្ចាគសម្ភារៈទាំងនេះពេលនេះTaeyeon បានក្លាយជាសមាជិកទី១៣២ នៃក្លឹបកិត្តិយសកាកបាទក្រហម(RCHC) របស់កូរ៉េខាងត្បូង ហើយនាងក៏ជាសិល្បៈករដំបូង ហើយដែលការិយាល័យនៃស្រុកJeolla ធ្វើបែបនេះ។ ជាការពិតណាស់ថាRCHC តែងតែថ្លែងអំណរគុណ ដល់អ្នកដែលបានឧបត្ថម្ភនៅសម្ភារៈ ចាំបាច់ដល់ខាងអង្គការដើម្បី យកទៅជួយដល់អ្នកដែលខ្វះខាតបំផុត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]