សឹង្ហបុរី៖ តារាវ័យក្មេងដ៏មានប្រជាប្រិយភាព និងជាអតីតបេក្ខភាពThe Voice Kids ប្អូនប្រុសឆេង ប្រសិទ្ធ កាន់តែមានសន្ទុះនៅក្នុងការគាំទ្រកាន់តែខ្លាំងឡើងគួរឲ្យកត់សម្គាល់ ក្រោយប្អូនប្រុសបានលេចមុខនៅក្នុងការប្រគំតន្រ្តីតូចធំជាច្រើន។
ក្រៅពីសមត្ថភាពដ៏ល្អប្រពៃពីកំណើតរបស់តារាប្រុសវ័យក្មេងរូបនេះ ក៏មានភាពក្លាហានរបស់ប្អូនក៏មាន គួរឲ្យសរសើ។ ជាក់ស្តែងកាលពីពេលថ្មីៗនេះ តារាវ័យក្មេងរូបនេះ បានធ្វើការបង្ហោះរូបភាពប៉ុន្មានសន្លឹក មុនធ្វើដំណើរទៅសិក្សានៅក្រៅប្រទេសជាមួយនឹងមិត្តរួមថា្នក់យ៉ាងរីករាយ ចំនួន៤ថ្ងៃ ដែលមើលទៅប្អូនប្រុសពិតជាក្លាហាន ហ៊ានទៅដោយគ្មានគ្រួសារ។
បន្ថែមពីនេះទៅទៀតប្អូនប្រុសក៏បានធ្វើការ បង្ហោះសារយ៉ាងដូច្នោះថា៖«ថ្ងៃនេះប្រសិទ្ធចេញដំណើរទៅសិក្សានៅប្រទេសសាំងហ្គាពួរហើយណាបាទ ប្រសិទ្ធទៅតែ៤ថ្ងៃទេបាទ ប្រសិទ្ធទៅទីនោះដើម្បីប្តូរការសិក្សាជាមួយសិស្សសាំងហ្គាពួរ និងរៀនពីរបៀបរស់នៅដោយខ្លួនឯងដោយគ្មានប៉ាម៉ាក់ លុតដំខ្លួនឯងឲ្យរឹងមាំ ប្តូរបទពិសោធន៍ និងរៀនពីរបៀបរស់នៅ សេដ្ឋកិច្ច និងការអភិវឌ្ឍន៍នៃប្រទេសសាំងហ្គាពួរ »។
ក្រោយពីបានឃើញបែបនេះ បណ្តាអ្នកគាំទ្រជាច្រើនក៏បានសរសើរដល់ប្អូនប្រុស ដែលនៅក្មេងប៉ុណ្ណឹងសោះ តែមានភាពក្លាហាន ហ៊ានទៅសិក្សានៅក្រៅប្រទេស យកបទពិសោធន៍សម្រាប់ការលុតដំខ្លួនឯង នៅពេលដែលមានម្តាយឪពុកមិនទៅជាមួយ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]