ខេត្តកែប ៖ ព្រះពុទ្ធមួយអង្គដែលធំ និងខ្ពស់ជាងគេបំផុតកំពុងត្រូវបានកសាងនៅលើភ្នំពោនជាប់នឹងមាត់សមុទ្រខេត្តកែប។
ព្រះមហាចទុម ផាត់ ធូក ព្រះមេគុណគណៈធម្មយុត្តិគង់នៅចាំព្រះវស្សាវត្តភ្នំពោនមានសង់ដីការថា វត្តនេះទើបតែកសាងទេ ប៉ុន្តែការផ្ដួចផ្ដើមកសាងគឺមានលោក កែន សត្ថា អភិបាលខេត្តកែបរួមទាំងពុទ្ធបរិស័ទនៅក្រុងភ្នំពេញផងដែរ។
ព្រះមហាចទុម ផាត់ ធូក មានសង់ដីការអោយដឹងបន្តថា ឥឡូវនេះយើងចាប់ផ្ដើមកសាងព្រះពុទ្ធមួយអង្គធំដែលមានទទឹង8ម៉ែត្រ បណ្ដោយ10ម៉ែត្រ កំពស់15ម៉ែត្រកន្លះ ដោយព្រះពុទ្ធដាក់ព្រះភ័ក្របែរទៅទិសខាងកើត តែដោយឡែកព្រះពុទ្ធដែលយើងកំពុងចាប់ផ្ដើមកសាងនេះព្រះពុទ្ធប្រក់នាគហើយបែរព្រះភ័ក្រទៅត្បូងសំដៅទៅសមុទ្រវិញ។
ព្រះអង្គថា ព្រះនាគត្រូវការទឹក ម្យ៉ាងវិញចង់អោយពិភពលោកគេបានដឹងបានស្គាល់តម្លៃសាសនារបស់ខ្មែរយើងផង និងទុកអោយកូនខ្មែរជំនាន់ក្រោយៗដឹងផង៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
