ដឹងមិត្តស្រលាញ់Exo Sandara ខំទៅសុំហត្ថលេខាកម្លោះសង្ហាទាំងនេះ ឲ្យមិត្តជាកាដូថ្ងៃកំណើត! (មានវីដេអូ)

កូរ៉េខាងត្បូង៖ ចំពោះប្រិយមិត្តដែលនិយមតាមដានគាំទ្រ ក្រុមចម្រៀងនារី 2NE1 កន្លងមក ជាពិសេសគឺតារាចម្រៀងស្រី Sandara Park តែម្តង ប្រាកដជាបានដឹងថា នាងក៏ជាអ្នកគាំទ្រម្នាក់របស់ ក្រុមចម្រៀងបុរសលំដាប់ជួរមុខ EXO ផងដែរ មិនតែប៉ុណ្ណោះ នាងថែមទាំងធ្លាប់បាននិយាយនៅលើឆាក និងនៅចំពោះមុខក្រុមEXO ផងដែរថា ពួកគេគឺជាក្រុមចម្រៀង ដែលនាងគាំទ្រចុងក្រោយគេបង្អស់​ថែមទៀតផង។

ដោយឡែក អ្វីដែលពិសេសទៅទៀតនោះ មិនមែនត្រឹមតែតារាចម្រៀងស្រីរូបនេះតែប៉ុណ្ណោះនោះទេ ដែលស្រលាញ់គាំទ្រក្រុមចម្រៀងបុរសសង្ហា EXO សូម្បីតែមិត្តភក្តិជិតស្និទ្ធរបស់នាង ក៏ជាអ្នកគាំទ្រផ្គាប់មុខរបស់តារាប្រុសទាំងប៉ុន្មាននេះផងដែរ និងថែមទាំងបានសាក់ឡូហ្គូតំណាងឲ្យក្រុម EXO នៅលើ-កដៃរបស់នាងថែមទៀតផង។

ជាក់ស្តែង ដោយសារតែយល់ដឹងពីទំហំចិត្តស្រលាញ់របស់មិត្តភក្តិខ្លាំង កាលពីថ្មីៗនេះ តារាចម្រៀងស្រីវ័យ៣០ប្លាយ Sandara Park រូបនេះ ក៏បានធ្វើនូវរឿងដ៏រំជួលចិត្តមួយ ដើម្បីជាកាដូក្នុងថ្ងៃខួបកំណើតមិត្តភក្តិជិតស្និទ្ធរបស់នាងផងដែរ។

ជាការពិតណាស់ តាមរយៈវីដេអូខាងក្រោមនេះ បានឲ្យដឹងថា Sandara នាងបានទៅសុំហត្ថលេខាដោយផ្ទាល់ដៃ របស់សមាជិកទាំងអស់នៃក្រុម EXO នៅលើក្រដាសមួយសន្លឹក ដើម្បីយកមកSurprise ជូនជាកាដូថ្ងៃក្នុងកំណើតមិត្តសម្លាញ់របស់នាង។

ហើយក្នុងនោះផងដែរ ក្រោយពីឃើញSandara ទាញក្រដាសហត្ថលេខានោះ ចេញមកSurprise ភ្លាម យើងឃើញថាទឹកមុខមិត្តភក្តិរបស់នាង ក៏បានប្រែប្រួលភ្លែត មកសប្បាយត្រេកអរស្រែកជាខ្លាំង ដល់ថ្នាក់រំភើបស្ទើរស្រក់ទឹកភ្នែកថែមទៀតផង។

តួយ៉ាង ក្រោយពីឃើញសកម្មភាពទាំងនេះ បានធ្វើឲ្យមហាជនជាច្រើន កោតសរសើរចំពោះមិត្តភាពរបស់អ្នកទាំងពីរជាខ្លាំង ជាពិេសសដើម្បីឲ្យមិត្តភក្តិបានរំភើបសប្បាយចិត្ត Sandara ក៏បានធ្វើឲ្យរឿងដ៏អស្ចារ្យមួយនេះ ដែលជារឿងដែលអ្នកគាំទ្រEXO ជាច្រើនតែងតែស្រមៃចង់បានផងដែរ៕

• មិត្ត
• តារាកូរ៉េ