ភ្នំពេញ៖ ដូចដែលប្រិយមិត្តមួយចំនួនជ្រាបរួចមកហើយថា មួយរយៈចុងក្រោយនេះ នៅលើបណ្តាញសង្គម មានមហាជនមួយចំនួន បានចេញមុខនិយាយ និងរិះគន់ទៅកាន់ក្រុមមនុស្សមួយភាគតូច ដែលពួកគេគ្មានការគោរព និងឱនលទោនចំពោះអ្នកអង្គម្ចាស់តូច ជេនណា នៅពេលសុំទ្រង់ថតនៅទីសាធារណៈ ក៏ដូចជាសកម្មភាពផ្សេងៗរបស់ទ្រង់។
យ៉ាងណាមិញ ស្រាប់តែថ្មីៗនេះ មានរឿងដ៏គួរឲ្យចាប់អារម្មណ៍មួយសម្រាប់អតីតបេក្ខភាព Cambodia Idol រដូវកាលទី១ កញ្ញា សុវត្ថិឌី ធារីកា ដោយរូបនាងបានបង្ហោះរូបពីសន្លឹកជាមួយអ្នកអង្គម្ចាស់តូច បង្ហាញកាយវិកាយដោយក្តីគោរព និងឱនលទោនយ៉ាងខ្លាំងចំពោះទ្រង់ ភ្ជាប់ជាមួយCaption ថា៖ “អរគុណទៅដល់លោកគ្រូអ្នកគ្រូព្រមទាំងសិស្សានុសិស្សនៃសកលវិទ្យាល័យ បញ្ញាសាស្រ្តកម្ពុជាទាំងអស់ ដែលបានចូលរួមក្នុងថ្ងៃនេះ។ ថ្ងៃនេះទៀតសោតខ្ញុំក៏បានជួបជាមួយនឹងអ្នកអង្គម្ចាស់ ជេនណា ក្នុងការសម្តែងផងដែរ”។
យ៉ាងណាមិញ ផ្អែកតាមរូបភាព និងសារទាំងនេះ បានបង្ហាញឲ្យឃើញថា កញ្ញា សុវត្ថិឌី ធារិកា បានបង្ហាញនូវក្តីស្រលាញ់ និងគោរពចំពោះអ្នកអង្គម្ចាស់តូចជាខ្លាំង ដោយរូបនាងមិនធ្វើខ្លួន ដូចមនុស្សមួយចំនួន ឲ្យស្មើនឹងទ្រង់នោះទេ បើទោះជាព្រះជន្មរបស់ទ្រង់នៅក្មេងខ្លាំង ជាងនាងច្រើនក៏ដោយ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]