ថៃ៖ តារាសម្តែងស្រីជួរមុខប្រចាំប្រទេសថៃនាង Janie Thienphosuwan ដូចដែលប្រិយមិត្តបានជ្រាបរួចមកហើយថា ពេលនេះនាងកំពុងតែពរពោះកូនដំបូងរបស់នាង ជាមួយស្វាមីវ័យក្មេងលោក Mickey ដែលពួកគេទាំងពីរបានរៀបការជាមួយគ្នា កាលពីខែតុលា ឆ្នាំ២០១៨កន្លងមកនេះ។
ក្រោយទទួលបានដំណឹងថា ខ្លួនមានផ្ទៃពោះភ្លាមគូស្វាមីភរិយាមួយគូនេះ សប្បាយរីករាយយ៉ាងខ្លាំងព្រោះនេះជាបំណងប្រាថ្នារបស់លោក Mickey ផ្ទាល់។ ចំណែកឯ Janie វិញបានផ្អាកពីការងារសិល្បៈមួយរយៈដើម្បីថែរក្សាសុខភាពឲ្យបានល្អបំផុតទាំងម្តាយ និងកូននៅក្នុងផ្ទៃ។
ជាក់ស្តែងកាលពីថ្ងៃទី២២ ខែកក្កដាម្សិលមិញនេះ Janieបានចូលរួមជាភ្ញៀវកិត្តិយសនៅក្នុងកម្មវិធីសម្ភោធគ្រឿងសម្អាងមួយ ជាលើកដំបូងចាប់តាំងពីពេលដែលមានផ្ទៃពោះ។ ដោយតារាស្រីវ័យ៣៧ឆ្នាំរូបនេះ ស្លៀករ៉ូបវែង ផាត់មុខស្តើងៗ និងធ្វើម៉ូតសក់ស្ទាយ៍សាមញ្ញៗ ធម្មតា ប៉ុន្តែរូបសម្រស់របស់នាងស្រស់ស្អាតមើលមិនណាយ។
ក្រោយពីបានឃើញបែបនេះអ្នកគាំទ្រនាំគ្នាសរសើរគ្រប់គ្នា ព្រោះភាគច្រើនស្រ្តីនៅពេលដែលមានផ្ទៃពោះរូបសម្រស់នឹងមានការប្រែប្រួល ឬអ្នកខ្លះទៀតឡើងទម្ងន់ជាដើម។ ប៉ុន្តែសម្រាប់Janieវិញ ដូចជាគ្មានអ្វីប្រែប្រួលទាល់តែសោះ បើទោះបីជាពេលនេះនាងពរពោះ៤ខែហើយក៏ដោយ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
