អង់គ្លេស៖ ក្លិបបាល់ទាត់កាំភ្លើងធំ Arsenal បានឈានដល់កិច្ចព្រមព្រៀងក្នុងការខ្ចីជើង កីឡាករខ្សែបម្រើកណ្ដាល Dani Ceballos ពីក្លិបយក្សអេស្ប៉ាញ Real Madrid។
ប្រធានក្រុមជម្រើសជាតិអេស្ប៉ាញ U-21 ដែលទើបតែជួយអេស្ប៉ាញ ឈ្នះពាន EURO U-21 និងជាកីឡាករឈុតធំអេស្ប៉ាញ Ceballos នឹងមកចូលរួមជាមួយ Arsenal ក្រោមលក្ខខណ្ឌខ្ចីជើងរយៈពេលមួយរដូវកាល បន្ទាប់ពី Arsenal បានប្រជែងឈ្នះ ក្លិបរួមក្រុងឡុងដ៍ Tottenham Hotspur ក្នុងការនាំយករូបគេមកកាន់ទឹកដីអង់គ្លេស។
ជុំវិញរឿងខ្ចីជើង Ceballos អ្នកចាត់ការទូទៅ Arsenal លោក Unai Emery បានថ្លែងថា “ពួកយើងកំពុងតែពិភាក្សាក្នុងការនាំយកកីឡាករម្នាក់ក្នុងលក្ខខណ្ឌខ្ចីជើង ហើយក្លិបកំពុងតែធ្វើការងារមួយនេះ។ Ceballos គឺជាកីឡាករល្អមួយរូប។ ខ្ញុំស្គាល់រូបគេទាំងពីរ គេលេងនៅ Real Betis ហើយពេលនេះគេលេងនៅ Real Madrid។ គេលេងបានយ៉ាងល្អជាមួយក្រុម U-21 និងបានជួយជម្រើសជាតិរបស់គេឈ្នះពាន។”
ប្រភព៖ Daily Mail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]