ហុងកុង៖ វិបត្តិនយោបាយនៅហុងកុង កាន់តែមានសភាពតានតឹងឡើង ក្រោយមានក្រុមសង្គមងងឹង ពាក់អាវស ដើរវាយសំពងក្រុមបាតុករ និងអ្នកដំណើរនៅក្នុងស្ថានីយ៍រថភ្លើងកាលពីយប់ថ្ងៃអាទិត្យកន្លងទៅនេះ បណ្តាលឱ្យមានអ្នករងរបួសជាច្រើននាក់។
យោងតាមវីដេអូដែលបង្ហោះចូលក្នុងបណ្តាញសង្គមបានឱ្យដឹងថា ក្រុមសង្គមងងឹត ពាក់អាវយឺតស ពាក់ម៉ាស់បិទមុខ និងដៃរបស់ពួកគេប្រដាប់សុទ្ធតែដំបង បានដើរវាយសំពងបាតុករ និងអ្នកដំណើរនៅក្នុងស្ថានីយ៍រថភ្លើង Yueng Long ភាគខាងជើងក្រុងហុងកុង ដោយពុំរើសមុខ ពោលគឺឱ្យតែឃើញគឺវាយយកៗតែម្តង។
នៅព្រឹកថ្ងៃចន្ទកន្លងទៅនេះ យោងតាមសម្តីប៉ូលិសហុងកុងបានឱ្យដឹងថា មានជនរងគ្រោះប្រមាណ ៤៨នាក់ ក្នុងនោះ មានបុរសម្នាក់រងរបួសធ្ងន់ និងស្រ្តីមានផ្ទៃពោះម្នាក់ ត្រូវគេវាយដំរហូតដល់រលូតកូនទៀតផង។
ក្រុមអ្នកការពារសិទ្ធិមនុស្សបានចោទប្រកាន់ ប៉ូលិសហុងកុងថាមានចេតនាធ្វើការយឺតយ៉ាវ ដោយពន្យារពេលទុកឱ្យក្រុមសង្គមងងឹតអាវស ដើរវាយក្រុមបាតុករយ៉ាងយូរ ហើយនៅពេលជនរងគ្រោះទៅប្តឹងប៉ូលិស បែរជាប៉ុស្តិ៍ប៉ូលិសបិទទ្វារថែមទៀត។
ស្របពេលគ្នានេះដែរ ក្រុមអ្នកការពារសិទ្ធិមនុស្សបានសង្ស័យថា ក្រុមសង្គមងងឹតពាក់អាវសនេះគឺមានការជាប់ពាក់ព័ន្ធទៅនឹងរដ្ឋាភិបាលហុងកុង ដោយអ្នកខ្លះបាននិយាយថា ពួកគេគឺជាដៃជើងរបស់ចិនដីគោក។
គូសបញ្ជាក់ផងដែរថា ហុងកុងគឺជារដ្ឋបាលកាន់គោលការណ៍ ប្រទេសមួយប្រព័ន្ធពីរ ហើយហុងកុងត្រូវបានប្រគល់ឱ្យចិនកាន់កាប់វិញក្នុងឆ្នាំ២០៤៧ខាងមុខនេះ។ ប៉ុន្តែប្រជាជនហុងកុងជាច្រើននាក់ បានក្រោកឈរ តវ៉ាប្រឆាំងនឹងរដ្ឋាភិបាល ព្រោះតែពួកគេមិនចង់រស់នៅក្នុងរបបកុម្មុយនិស្តដោយគ្រប់គ្រងដោយចិននោះទេ ពោលគឺពួកគេធ្លាប់តែរស់នៅក្នុងរបបប្រជាធិបតេយ្យសេរីនិយម និងមានយុត្តិធម៌ក្នុងសង្គម។ ដូច្នេះបានជាមានការផ្ទុះការតវ៉ា និងចលាចលពាសពេញហុងកុងបែបនេះ៕
ទស្សនាវីដេអូនិងរូបភាពខាងក្រោម៖
WARNING: Graphic Violence
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]