ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកព្រៃនប់នៅវេលាម៉ោង២៣និង៣០នាទី ថ្ងៃទី២២ ខែកក្កដានេះ នៅចំណុចបុរីវីអាយភី ស្ថិតក្នុងភូមិអូរតាសេក ឃុំអូរឧកញ៉ាហេង ខេត្តព្រះសីហនុ មានករណីឃាតកម្មមួយបានកើតឡើង បណ្តាលឲ្យបុរសម្នាក់ស្លាប់នៅកន្លែងកើតហេតុតែម្តង ។
សេចក្តីរាយការណ៍បានបន្តថា ជនសង្ស័យខាងលើមានឈ្មោះ ឆាន រ៉ាឌី ភេទប្រុស អាយុ២៧ឆ្នាំ មុខកម្មករវាស់វែង ស្នាក់នៅកន្លែងកើតហេតុ បានប្រើពូថៅដងឈើកាប់ទៅលើជនរងគ្រោះ ឈ្មោះ ឈុននី ភារៈ ភេទប្រុស អាយុ១៩ឆ្នាំ មុខរបរកម្មករវាស់វែង មានទីលំនៅភូមិក្រាំងមានជ័យ ឃុំដូនយ៉យ ស្រុកឈូក ខេត្តកំពត ត្រូវត្រង់.ក និងដៃសងខាង បណ្តាលអោយស្លាប់នៅនឹងកន្លែង ។
ដោយឡែកមូលហេតុ គឺមកពីស្រវឹងស្រា ហើយបច្ចុប្បន្នសាកសពត្រូវបានបឪពុកម្តាយយកទៅធ្វើបុណ្យតាមប្រពៃណី រីឯជនសង្ស័យយើងបានធ្វើការឃាត់ខ្លួន និងកសាងសំណុំរឿងតាមនីតិវិធីផងដែរ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]