ម៉ាឡេស៊ី៖ អ្នកគ្រូម្នាក់បានសម្រេចចិត្តកោរសក់របស់ខ្លួន ចាត់ទុកជាការលើកទឹកចិត្តសិស្សស្រីដែលកំពុងមានជំងឺមហារីកដំណាក់កាលទី៣យ៉ាងធ្ងន់ធ្ងររហូតដល់ជ្រុះសក់អស់រលីងពីក្បាល។
ប្រភពបានឲ្យដឹងថា ស្ត្រីម្នាក់ឈ្មោះថា Bamini អាយុ៣៩ឆ្នាំ ជាគ្រូបង្រៀនផ្នែកគណនេយ្យ នៅសាកលវិទ្យាល័យ Malaysia Sabah (UMS)។ ថ្មីៗកន្លងទៅនេះ អ្នកគ្រូបានកោរសក់របស់ខ្លួន ដើម្បីបង្ហាញពីការលើកទឹកចិត្តចំពោះសិស្សស្រីឈ្មោះ Richelle ដែលត្រូវបានគេធ្វើរោគវិនិច្ឆ័យឃើញថាមានជំងឺមហារីកឆ្អឹងដំណាក់កាលទី៣ កាលពីខែកុម្ភៈ ឆ្នាំ២០១៩កន្លងមក។
អ្នកគ្រូ Bamini បាននិយាយថា «មានវិធីច្រើនណាស់ក្នុងការលើកទឹកចិត្តនាង ប៉ុន្ដែខ្ញុំជ្រើសរើសយកការកោរសក់ទៅចុះ។ ខ្ញុំចង់ឱ្យនាងដឹងថា មានមនុស្សជាច្រើនចាំផ្ដល់កម្លាំងចិត្ត និងនៅក្បែរនាងជានិច្ចក្នុងគ្រាដ៏លំបាកនេះ។ ខ្ញុំមិនបានគិតថានឹងទទួលបានប្រជាប្រិយភាពក្នុងការកោរសក់នេះឡើយ។»
អ្នកគ្រូ Bamini បានប្រាប់ប្រភពឲ្យដឹងថា Richelle គឺជាសិស្សឆ្នើមនៅក្នុងថ្នាក់ ថែមទាំងទទួលបានពិន្ទុ GPA ៣.៦ ទៅលើឆមាសទី១ទៀតផង។
យ៉ាងណាមិញ មនុស្សជុំវិញខ្លួនទាំងអស់របស់ Richelle បានផ្ដល់កម្លាំងចិត្ត បួងសួង និងសង្ឃឹមថានាងឆាប់ធូរស្បើយជាពីជំងឺ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]